काठमाडौं - चार महिनाभन्दा बढी समय सिंगापुर र चीनमा उपचार गरेर माओवादी केन्द्रका नेता वर्षमान पुन आज राति स्वदेश फर्किंदैछन् । दुर्लभ जन्डिस रोगबाट पीडित पुनको अवस्था अहिले सामान्य हुँदै गएको परिवारले जनाएको छ ।

कुनै पनि व्यक्तिले रोगबाट मुक्ति पाउनु राम्रै कुरा हो । त्यसमा पनि पुन माओवादी केन्द्रका भविष्य बोकेका नेता र पूर्वमन्त्री पनि हुन् । उनी स्वस्थ भएर नेपाल फर्किंदै गर्दा अहिले नेता पुन चर्चामा आएका छन् ।

उनी चर्चामा आउनुको कारण भने चार्टर्ड फ्लाइट रहेको छ । नेता पुन हिमालयन एयरलाइन्सको चार्टर्ड फ्लाइटबाट सोमबार राति नेपाल आउँदैछन् । चीनबाट चार्टर्ड फ्लाइट लिएर नेपाल आउँदा झन्डै पौने दुई करोड लाग्छ ।

चार्टर्ड विमानमार्फत नेपाल आउन लागेको चर्चा चलेपछि उनको चर्को आलोचना भएको छ । पुनको आर्थिक हैसियत के हो भन्दै सर्वसाधारण जनताले प्रश्न उठाउन थालेका छन् ।

उनले चीनको सेनजेनस्थित थर्ड पिपुल्स अस्पतालमा उपचार गराएका थिए । सिंगापुरमा उपचार हुन नसकेपछि उनलाई चीन ल्याइएको थियो । हालसम्म उनको उपचारमा कति खर्च भयो भन्ने बाहिर आएको छैन ।

सर्वहारा भनिने नेताको विलासी जीवन र करोडभन्दा बढी उपचार खर्च तथा चार्टर्ड फ्लाइटमा नेपाल आउने चर्चाले वर्षमान पुन माओवादीका अर्बपति नेता रहेको अनुमान गर्न थालिएको छ ।

उनी नेपाल आउने मिति तय भएसँगै माओवादी केन्द्रका अध्यक्ष पुष्पकमल दाहाल प्रचण्डले माघ २७ गते पार्टीको केन्द्रीय कमिटी बैठक बोलाएका छन् । जुन बैठकले माओवादी केन्द्रको पदाधिकारी निर्वाचित गर्ने बताइएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कुलमान नियुक्तिबारे उर्जामन्त्रि पुनले दिए यस्तो जानकारी

कुलमान हटेसँगै जान थाल्यो झ्यापझ्याप बत्ती, ऊर्जामन्त्री पुनलाई आपत

ऊर्जामन्त्री पुन र शिक्षामन्त्री पोखरेल प्रधानमन्त्री ओलीविरुद्ध एकाएक खनिएपछि...

भटाभट बिजुली गइरहेका बेला उर्जामन्त्रीबाट आयो यस्तो निर्देशन, जनतामा खुसीयाली

कुलमान घिसिङको ठाउँमा आउने यी हुन् भाग्यमानी, ऊर्जामन्त्री पुनले बढाए प्रक्रिया

ओलीको दमन प्रचण्डले धेरै सहनु भयो, अब सहनु हुन्न : वर्षमान पुन