काठमाडौं - माओवादी केन्द्रको आठौं महाधिवेशन पाँच दिनदेखि काठमाडौंमा जारी छ । अहिलेसम्म बन्दसत्र पनि सकिएको छैन । अध्यक्ष पुष्पकमल दाहाल प्रचण्डले पेस गरेको राजनीतिक प्रतिवेदनमाथि समूहगत छलफल नसकिएकाले महाधिवेशन अझै दुई दिन लम्बिने भएको छ ।

दुई दिन महाधिवेशन लम्बिँदा माओवादीलाई एक करोडभन्दा बढी व्ययभार थपिएको छ । महाधिवेशन लम्बिँदै गए पनि एक नेताका कारण कर्मकाण्डी मात्र सावित हुने देखिएको छ । ती नेता हुन् वर्षमान पुन । पुन अहिले चीनमा छन् ।

गम्भीर स्वास्थ्य समस्या कारण उनको चीनमा उपचार भइरहेको छ । उनी तत्काल नआउने भएकाले पनि माओवादीको महाधिवेशनले अध्यक्ष र केन्द्रीय सदस्यबाहेक अरु पदाधिकारी छनोट नगर्ने भएको छ । वर्षमान पुन महासचिवका प्रबल दाबेदार हुन् ।

माओवादीमा वर्षमानको पकड बलियो छ । यदि उनी असन्तुष्ट भएमा मात्रै पनि माओवादी केन्द्रको संगठन ध्वस्त् हुन्छ । त्यही भएर प्रचण्डले पनि बोल्ड डिसिजन लिन सकेका छैनन् ।

माओवादी केन्द्रमा अध्यक्षबाहेकका पदमा आकांक्षीको संख्या धेरै छ । प्रचण्डलाई सबैलाई रिझाएर पदीय व्यवस्थापन गर्नका लागि निकै ठूलो चुनौती छ ।

माओवादी केन्द्रको विधानअनुसार महाधिवेशन हलबाट अहिले प्लेन कमिटी मात्रै बन्नेछ । अर्थात् महाधिवेशन हलले केन्द्रीय सदस्य मात्रै टुंग्याउने छ र देशभरबाट आएका प्रतिनिधि पर्यवेक्षकलाई घरघर पठाउने छ ।

यसरी टुंगिएपछि बसेको पहिलो केन्द्रीय कमिटीको बैठकले माओवादी केन्द्रको अध्यक्षमा प्रचण्डलाई एक मतले घोषित गर्नेछ । माओवादी केन्द्रका एक नेताका अनुसार अध्यक्षमा प्रचण्ड सर्वसम्मत भए पनि बाँकी पदमा भने विवाद हुनेछ ।

विवाद भए पनि माओवादी केन्द्रको विधानअनुसार निर्वाचन विधिबाट पदाधिकारी टुंगो लगाउनु पर्ने हुन्छ । २९९ सदस्यीय केन्द्रीय कमिटीले १५ पदस्यीय पदाधिकारीलाई निर्वाचित गर्नेछ ।

माओवादी केन्द्रका विभिन्न जनवर्गीय संगठनहरु वाइसीएल नेपाल, अखिल क्रान्तिकारी र प्रेस संगठन नेपालमा पनि अध्यक्षबाहेक अन्य पदाधिकारी टुंग्याउन सकेको थिएन ।

यस्तै, माओवादी केन्द्रका ७ भौगोलिक र ३ गैरभौगोलिक गरी १० वटा प्रदेश संरचनामध्ये दुईवटा प्रदेशमा निर्वाचनकै माध्यमबाट पदाधिकारी टुंगो लगाइएको थियो ।

माओवादी केन्द्रका प्रदेश संरचना र जनवर्गिय संगठनहरुले सुरुमा सम्मेलनबाट कति सदस्य हुने भनेर संख्या र सदस्यको टुंगो मात्रै लगाएको थियो ।

माओवादी केन्द्रको पनि अहिले देशभरबाट आएका प्रतिनिधिले मतदान गरिहाल्ने अवस्था नभएको र सहमति गर्न पनि चुनौती रहेकाले अध्यक्ष र केन्द्रीय सदस्यको नाम मात्रै तोकेर सम्मेलन सकिने भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कुलमान नियुक्तिबारे उर्जामन्त्रि पुनले दिए यस्तो जानकारी

कुलमान हटेसँगै जान थाल्यो झ्यापझ्याप बत्ती, ऊर्जामन्त्री पुनलाई आपत

ऊर्जामन्त्री पुन र शिक्षामन्त्री पोखरेल प्रधानमन्त्री ओलीविरुद्ध एकाएक खनिएपछि...

भटाभट बिजुली गइरहेका बेला उर्जामन्त्रीबाट आयो यस्तो निर्देशन, जनतामा खुसीयाली

कुलमान घिसिङको ठाउँमा आउने यी हुन् भाग्यमानी, ऊर्जामन्त्री पुनले बढाए प्रक्रिया

ओलीको दमन प्रचण्डले धेरै सहनु भयो, अब सहनु हुन्न : वर्षमान पुन