काठमाडौं - नेपाली कांग्रेसको कार्यसमितिमा अधिकांश युवाहरूले प्रभत्व जमाउने अवस्था देखिँदै गर्दा प्रमुख प्रतिपक्ष दल एमालेमा भने युवाहरू पेलानमा पर्न थालेका छन् ।

एमाले अध्यक्ष केपी ओलीले आफ्नो विरोध गर्ने नेताहरूको छानीछानी भविष्य चौपट बनाइरहेका छन् । आफ्नो विश्वासपात्रलाई पदाधिकारीमै स्थान दिएका छन् भने असहमत राख्नेलाई पदाधिकारीमा समेटे पनि तल्लो वरीयतामा राख्दै पहिलेदेखि दिँदै आएको जिम्मेवारीसमेत खोसेका छन् ।

एमालेमा ओली र माधव नेपालबीच संघर्ष बढेका बेला १० भाइले नेपाललाई साथ दिएका थिए । पछि नेपालले अर्कै पार्टी खोलेपछि १० भाइ एमालेमै बसे ।

अहिले ती १० भाइको अवस्था कागती निचोरेको झैं बन्न पुगेको छ । उपाध्यक्षमा माओवादीबाट आएका रामबहादुर थापा बादललाई वरीयतामा अगाडि राख्नु, सचिवको पहिलो र दोस्रो नम्बरमा पनि माओवादीकै नेतालाई अगाडि राखेर ओलीले एमालेका युवा नेतामाथि डोजर लगाउन छाडेका छैनन् ।

एमालेमा सबैभन्दा भर पर्दा नेता योगेश भट्टराई र गोकर्ण विष्टलाई मानिन्थ्यो । योगेशलाई प्रचार विभागको प्रमुखसमेत बनाइएको थियो । उनले प्रचार विभागमा बसेर राम्रै काम गर्दै आएका थिए । तर, ओलीले दशौं महाधिवेशनपछि योगेशलाई प्रचार विभागबाट हटाएर पृथ्वी सुब्बा गुरुङलाई प्रमुख बनाएका छन् ।

गुरुङ उपमहासचिव भएकाले योगेशले विरोध नगरुन् भनेर ओलीले यस्तो रणनीति अपनाएका हुन् । योगेश अखिलको अध्यक्ष भइसक्दा कांग्रेसका गगन थापा भर्खर भर्खर नेविसंघको राजनीतिमा थिए । त्यति चर्चित भइसकेका थिएनन् । तर, अहिले गगन कांग्रेसको महामन्त्री निर्वाचित भइसकेका छन् ।

अर्को महाधिवेशनमा सभापतिमा दाबेदारी प्रस्तुत गर्ने निश्चित छ । तर, योगेशको भने एमालेको ११औं महाधिवेशनमा दाबी गर्ने भनेको उपमहासचिव मात्रै हो । महासचिवमा ओलीले आउन नदिने गरी सेटिङ मिलाइसकेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

योगेश भट्टराई बोलिरहँदा बज्यो अश्लिल भिडियो

पर्यटनमन्त्रीले फेरी गरे यति ठूलो चलखेल, चौतर्फी हंगामा!

कोरोना कहरमा कम्युनिस्ट मन्त्रीले रातारात पशुपति विकास कोषमा ४३ जना कार्यकर्ता भर्ती गर्दै

नेपाल–भारत उडान सुरु गर्न योगेश भट्टराई र विनयमोहन क्वात्राबीच छलफल

योगेश भट्टराई र पार्वत गुरुङ आवश्यक परे राजीनामा दिन्छु भनेर घुर्की लगाउँछन्, तर किन दिन सक्दैनन् ?

नेकपाले योगेश भट्टराईलाई दियो ठूलो जिम्मेवारी, अरु युवा हेरेको हेर्‍यै