वीरगन्ज - वीरगन्जस्थित भारतीय महावाणिज्य दूतावासले आयोजना गरेको ब्याडमिन्टन प्रतियोगितामा सहायक सिडिओ र प्रहरी टोली विजयी भएको छ ।

अमृत महोत्सवको अवसर र वीरगन्जका सरकारी अधिकारीहरू र महावाणिज्य दूतावासबीच सुमधुर सम्बन्ध बढाउन दूतावासले शनिबार प्रतियोगिता आयोजना गरेको थियो ।

प्रतियोगितामा सहायक सीडीओ र नेपाल प्रहरीका प्रतिनिधि सम्मिलित टोली विजेता घोषित भएको दूतावासले जनाएको छ । प्रमुख जिल्ला अधिकारी र नेपाल राष्ट्र बैंकका प्रतिनिधि सम्मिलित टोली उपविजेता घोषित भएका छन् ।

प्रतियोगितामा महावाणिज्य दूतावास, जिल्ला प्रशासन कार्यालय वीरगन्ज, जिल्ला प्रहरी कार्यालय वीरगन्ज, जिल्ला सशस्त्र प्रहरी कार्यालय वीरगन्ज, क्षेत्रीय कारागार कार्यालय वीरगन्ज र नेपाल राष्ट्र बैंक वीरगन्जका पदाधिकारी सम्मिलित पाँच डबल्स टोलीले सहभागिता जनाएका थिए ।

प्रतियोगितामा वाणिज्य दूतावासका पदाधिकारी, कर्मचारी र सहभागी संघसंस्थाको ठूलो संख्यामा दर्शकको रूपमा उपस्थिति थियो । विजेता र सहभागी टोलीलाई महावाणिज्यदूत नितेशकुमारले ट्रफी वितरण गरेका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

भारतीय सेनाद्वारा कुपवाडामा हिमपहिरोमा फसेका ३० नागरिकको उद्धार

डच राजदूतको टिप्पणीको आलोचना गर्दै राष्ट्रसंघका लागि भारतीय प्रतिनिधिले भने - अपमान नगरियोस्