काठमाडौं - नेपाली कांग्रेसको १४औं महाधिवेशन आउन अब मात्र तीन साता बाँकी छ । जसअन्तर्गत आज तीन सय ३० प्रदेश सभा निर्वाचन क्षेत्रमा अधिवेशन हुँदैछ ।

मंसिर ६ गते प्रतिनिधिसभा निर्वाचन क्षेत्रको अधिवेशन सम्पन्न भएसँगै महाधिवेशन सुनिश्चित हुनेछ । तर, अहिले सबैभन्दा पेचिलो कांग्रेसमा को सभापति बन्ने भन्ने देखिएको छ । एउटै गुटमा थुप्रै आकांक्षी हुँदा नेताहरूबीच सम्बन्धमा दरार उत्पन्न भएको छ ।

हिजोसम्म सहमतिमै एउटै सभापतिको उम्मेदवार घोषणा गर्ने भनेको पौडेल–कोइराला गुट अहिले छिन्नभिन्न भएको छ । नेता प्रकाशमान सिंहले आफैं सभापतिमा उठ्ने घोषणा गरेपछि रामचन्द्र पौडेल, डा.शशांक कोइराला, डा.शेखर कोइराला सकसमा परेका छन् ।

अब कसरी अघि बढ्ने भन्ने निष्कर्ष निकाल्न सकेका छैनन् । बिहीबार नेता सिंहले विभिन्न मिडियाका सम्पादकहरूलाई एक तारे होटलमा बोलाएर आफ्ना भावी रणनीतिबारे अन्तरक्रिया गरे ।

उनले त्यहाँ पार्टी सभापतिमा आफूले उम्मेदवारी दिन खोजेको भन्दै रचनात्मक सहयोगको अपेक्षा गरे । उनले अब आफू कुनै हालतमा पनि सभापतिको दौडबाट पछि नहट्ने घोषणा गरे ।

सिंहको यो अडान त्यहीँ उपस्थित सम्पादकहरूले पौडेललाई सुनाइदिए । त्यसपछि नेता पौडेल बिहीबार साँझ दौडदै चाक्सीबारी पुगे । आफूलाई भेट्न आएका नेता पौडेललाई सिंहले अब सभापतिको दौडबाट आफू पछि नहट्ने प्रस्ट अडान राखेको बुझिएको छ ।

यदि नेता सिंह सभापतिमा उठेमा पौडेल कसरी अघि बढ्लान् भन्ने चासो उत्पन्न भएको छ । बिहीबारदेखि कांग्रेसमा अब सभापति शेरबहादुर देउवा र वरिष्ठ नेता पौडेलबीच मिलेर जाने सहमति हुन सक्ने चर्चा पनि सुरु भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

काँग्रेस नेता सिंहले गरे दशैँ भत्ता फिर्ता गर्ने निर्णय

ओली ज्ञानेन्द्र पथमा हिडिरहेका छन् : कांग्रेस नेता सिंह

कांग्रेसमा शेरबहादुर र शेखरको खेल उल्ट्याइदिन सक्छन् यी ३ नेता ?

शशांक, बिमलेन्द्र र प्रकाशमानको बैठकले गर्‍यो यस्तो निर्णय, अब छुट्टै ध्रुवीकरण !

रामचन्द्र पौडेल रिसाएपछि निधि, कोइराला र सिंहको खेल खत्तम !

आजका लागि बोलाइएको केन्द्रीय सदस्यहरूसँगको भेला स्थगित भएपछि प्रकाशमान सिंहले दिए स्पष्टीकरण