काठमाडौं – राजनीतिक वृत्त र सत्ताबाट किनारामा लागेको प्रमुख प्रतिपक्षी दल नेकपा एमालेका महासचिव ईश्वर पोखरेललाई प्रमुख अतिथि बनाइएपछि सिन्धुलीमा लफडा भएको छ ।

सिन्धुली आयोजित बीपी कोइराला र पुष्पलाल श्रेष्ठको सालिक अनावरण तथा सिन्धुलीगढी विजयोत्सवको प्रमुख अतिथिमा एमाले महासचिव पोखरेललाई निम्त्याइएको छ ।
 
सत्तारुढ गठबन्धनमा रहेका दल र एमालेबीच विवाद हुँदा सदरमुकाम सिन्धुलीमाढी बुधवार बिहानैदेखि तनावग्रस्त भएको छ ।

कमलामाई नगरपालिकाले एमाले महासचिव पोखरेललाई सालिक अनावरण र विजयोत्सवमा प्रमुख अतिथि बनाउन लागेपछि गठबन्धनका दलले मंगलवारदेखि नै तालाबन्दी गरेका छन् भने महासचिव पोखरेल मंगलवार नै सिन्धुली पुगेका छन् ।

जिल्ला सदरमुकामको लोकतान्त्रिक चोकमा रहेको बाल उद्यान पार्कमा अहिले ठूलो संख्यामा सुरक्षाकर्मी परिचालन भएका छन् ।

गठबन्धन दलका कार्यकर्ताले पार्कलाई घेरेका छन् भने एमाले सम्वद्ध नेता तथा भातृ संगठन युवासंघका कार्यकर्ता ठूलो संख्यामा भेला भएका छन् ।

बुधबार बिहान ९ बजे सालिक अनावरणको कार्यक्रम राखिएपनि विवादका कारण प्रभावित भएको छ ।

प्रमुख अतिथिको विवादमा सहमति जुटाउन प्रमुख जिल्ला अधिकारी (सीडीओ) रमेश न्यौपानेको कार्यकक्षमा सर्वदलीय बैठक बसेको छ । सीडीओ न्यौपानेले सहमतिको प्रयास जारी रहेको बताएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ओली सरकार कोरोना नियन्त्रण लगायतमा धेरै राम्रा काम गर्न चुक्यो : महत