काठमाडौं – प्रतिनिधिसभा सभामुख अग्निप्रसाद सापकोटाले दायर गरेको मुद्दामा सर्वाेच्च अदालतमा बुधवार समेत सुनुवाइ हुन सकेन । मुद्दा २०६८ सालमा दर्ता भएको थियो ।

सापकोटा सूचना तथा सञ्चारमन्त्री भएका बेला पत्रकार कनकमणि दीक्षितविरुद्ध दायर गरिएको अदालतको अवहेलना मुद्दा बुधवार प्रधानन्यायाधीश चोलेन्द्रशमशेर जबरा, न्यायाधीशहरू दीपककुमार कार्की, मीरा खड्का, हरिकृष्ण कार्की र ईश्वरप्रसाद खतिवडा सम्मिलित संवैधानिक इजलास परेको थियो ।

स्वार्थ बाझिने भन्दै न्यायाधीश हरिकृष्ण कार्कीले मुद्दा हेर्न नमिल्ने भएका कारण सुनुवाइ भएन । न्यायाधीश कार्कीले विगतमा कानून व्यवसायी हुँदा मुद्दामा बहस गरेका थिए । न्यायाधीश कार्कीको स्वार्थ बाझिने भएकाले बुधवारको संवैधानिक इजलासले मुद्दा हेर्न नमिल्ने भएको सर्वाेच्च अदालत स्रोतले जनाएको छ ।

यसअघि २०७६ फागुन ३० गते मुद्दा पेशीमा चढाइएको थियो तर हेर्न नभ्याएपछि उतिबेला पनि सुनुवाइ सरेको थियो ।

सशस्त्र द्वन्द्वकालमा काभ्रेका अर्जुन लामाको हत्यामा संलग्न भएको आरोप सापकोटामाथि रहेको छ । २०६२ बैशाख १६ गते श्रीकृष्ण मावि दाप्चामा अभिभावक भेला स्थलबाट लामालाई अपहरण गरिएको थियो ।

साउन तेस्रो हप्ता खाल्डो खन्न लगाएर लामालाई जिउँदै पुरेको भन्दै उनकी पत्नी पूर्णिमायाले सापकोटाविरुद्ध २०६४ सालमा जाहेरी दिएकी थिइन् । प्रहरीले जाहेरी नलिएपछि पूर्णिमायाले सर्वोच्चमा उजुरी गरेकी हुन् ।

२०६४ फागुन २२ गते सर्वोच्चको आदेशपछि जाहेरी दर्ता भएको थियो तर डा. बाबुराम भट्टराई नेतृत्वको सरकारले सापकोटा विरुद्धको जाहेरी तामेलीमा राख्ने निर्णय गरेपछि मुद्दा अलपत्र परेको थियो ।

भट्टराई सरकारको निर्णयविरुद्ध पूर्णिमाया फेरि सर्वोच्च अदालत पुगिन्, सर्वोच्चले निर्णय कार्यान्वयन नगर्न आन्तरिम आदेश दिएको थियो । मुद्दा सर्वोच्चको संवैधानिक इजलासमा विचाराधीन रहेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

सभामुख सापकोटको धम्की दिँदै नेकपा कार्यकर्ताले गरे गुम्बा तोडफोड 

सभामुख सापकोटाका स्वकीय सचिवले प्रिन्सिपलको टोकिदिए औंला, दुई टाँका लगाइयो

सभामुख सापकोटा सिध्याउन ओलीको यस्तो रणनीति, सर्वोच्चमा चढाइयो मुद्दाको पेसी

सभामुख अग्नि सापकोटा विरुद्धको मुद्दामा यस्तो स्थिति, केही दिन राहत !

ओलीले संसद विघटन गरेको बल्ल थाहा पाए सभामुख अग्नि सापकोटाले !

सभामुख अग्नि सापकोटा नै केपी ओलीको समर्थनमा ! प्रचण्डलाई आफ्नैबाट धोका