काठमाडौं - लुम्बिनी प्रदेशका मुख्यमन्त्री शंकर पोखरेल आफूलाई खुबै बाठो र चतुर नेता भनी टोपल्छन् । हरेक दिन सामाजिक सञ्जालमा एमालेका शीर्ष नेताहरूलाई अर्ती उपदेश दिने गर्छन् ।

आफ्नो प्रदेशका जनता कोरोना र बाढीले प्रभावित भइरहँदा पनि उनी केपी ओलीको कुर्सी जोगाउन काठमाडौंमै बस्ने गर्थे । एमालेमा देखिएको विवादले ओलीको पद गुम्ने खतरा भएपछि उनी माधव नेपाललाई सत्तोश्राप गरिरहेका छन् ।

प्रदेशमा छलकपट गरी प्राविधिक रूपले मुख्यमन्त्रीको कुर्सीमा बस्न सफल पोखरेल केही दिनयता सामाजिक सञ्जालमा देखिन छाडेका छन् । लुम्बिनी प्रदेशमा सार्वजनिक गरिएको बजेटमाथि प्रदेश सभामा छलफल नै गराउन नसकेपछि उनले सामाजिक सञ्जालमा मुख देखाउन नसकेका हुन् ।

आगामी वर्षको बजेट प्रदेश सभामा पेस भएको दुई साता बितिसक्दा पनि छलफल हुन सकेको छैन । आर्थिक वर्ष सकिने केही दिन मात्र बाँकी रहँदासमेत प्रदेश सभामा बजेटमाथि छलफल गराउन उनी असफल भएका हुन् ।

असार १ गते आर्थिक मामिला तथा योजना मन्त्री बैजनाथ चौधरीले ४० अर्ब ९५ करोडको बजेट प्रदेश सभामा प्रस्तुत गरेका थिए । तर त्यसयता बजेटबारे छलफल हुन सकेको छैन ।

विपक्षी दलहरुले सरकारको वैधानिकतामाथि प्रश्न गरिरहेका बेला बहुमतले नीति तथा कार्यक्रम पास गरेपछि बजेट ल्याउन सरकारलाई बाटो खुलेको थियो । तर विपक्षी दलहरुले बजेट छलफल अवरोध गरेका छन् ।

असार ७ गते विनियोजन विधेयक प्रदेश सभामा पेस गर्ने कार्यसूची थियो । सो बैठकमा कांग्रेस संसदीय दलका वीरेन्द्र कनौडियाले धारणा राख्दै प्रदेश सभा बहिस्कार गर्ने निर्णय भएको घोषणा गरेपछि पोखरेल नैतिक संकटमा परेका हुन् ।

त्यसपछि सरकारले बजेट विधेयक सदनमा प्रस्तुत गर्नसमेत पाएन । दलहरुबीच सहमति जुट्न नसकेपछि सभाुमख पूर्णबहादुर घर्तीले २७ गते बैठक बस्ने गरी सूचना टाँसेर स्थगित गरेका थिए ।

विपक्षी दलहरुले सरकारले चुनाव केन्द्रीत बजेट ल्याएकाले विरोध गरेको प्रतिक्रिया दिएका छन् । पोखरेललाई अहिले प्रदेशका कुनै पनि दलले विश्वास गर्नै छाडेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ओलीले आफ्ना दूत पौडेल र पोखरेललाई किन पठाए खुमलटार ? माधव नेपाल आक्रोशित

ओलीका विश्वास पात्र शंकर पोखरेलले प्रदेश ५ को मुख्यमन्त्रीबाट राजिनामा दिँदै , के हो कारण? 

महिलासँग यौन बात लागेका नेताको यी मुख्यमन्त्रीले गरे बचाउ

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

‘रअ’ प्रमुख भारतीय प्रधानमन्त्रीको सन्देश लिएरआएका शंकर पोखरेलको दाबी