काठमाडौं -  शेरबहादुर तामाङ एमाले नेता मात्र होइन, उनी सरकारका जिम्मेवार मन्त्री पनि हुन् । कोभिड महामारीका बेला उनलाई स्वास्थ्यमन्त्री बनाइएको छ ।

तर, त्यस्तो पदमा आसीन व्यक्तिले नै सफेद झुट बोले भने अरुको के विश्वास गर्ने । सरकारका जिम्मेवार मन्त्रीले नै गलत सूचना दिँदा सर्वसाधारणमा भ्रम परेको छ ।

बुधबार बिहान स्वास्थ्यमन्त्री तामाङले फेसबुकमा ‘मेलम्ची बाढीपहिरोमा ५० औं जना बेपत्ता भएको, धेरै पक्की पुलहरु बाढीले बगाएको’ लेखेका थिए । तर, उनले लेखेका सबै गलत ठहरिएको छ ।

धेरै सञ्चारमाध्यमले तामाङले लेखेको स्टाटसलाई आधार मान्दै मेलम्ची पहिरोमा ५० जनाभन्दा बढी बेपत्ता भनेर समाचारसमेत बनाए । त्यतिबेलासम्म हेलम्बु गाउँपालिका र मेलम्ची नगरपालिका मेलम्ची–इन्द्रावती नदी करिडोरमा के कति बेपत्ता र मृतक भन्ने थाहा हुन सकेको थिएन।

तर मन्त्री तामाङले बाढी जाँदै गर्दा बेपत्ता भएकाहरुको संख्या नै उल्लेख गरे । अझ ५० औं भनेर लेखे । यसले विपत्तमा परेकाका आफन्तहरुमा अझ त्रास फैलाएको थियो ।

साँझसम्म जिल्ला प्रशासनले जारी गरेको सूचनामा २० बेपत्ता र एकको मृत्यु भएको उल्लेख छ । मन्त्रीले भनेका ५० औं संख्या त्यहाँ उल्लेख छैन ।

मन्त्री तामाङले बेपत्ताको संख्या मात्रै बढाएनन् । भौतिक संरचना ध्वस्तमा पनि त्यतिकै बढावा दिएर लेखे । उनले बाहुनेपाटीको पुल बाढीले बगाएको उल्लेख गरेका थिए ।

जबकि बाहुनेपाटीको पुलबाट आवतजावत भइरहेको छ । उक्त पुलमा बाढीले कुनै क्षति गरेको छैन । बुधबार दिउँसो मन्त्री तामाङ आफैं हेलिकोप्टरमा बाढीपहिरो प्रभावित क्षेत्रको निरीक्षणमा निस्केका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

‘सर्वहारा’ कम्युनिस्ट मन्त्रीको यतिधेरै सम्पत्ति : २२ तोला सुन, १४ ठाउँमा जग्गा

कम्युनिस्टलाई जिताएर वर्षैपिच्छे रोइरहेका छन् सिन्धुपाल्चोकका जनता !

पदमुक्त भएका १३ दिने मन्त्रीले समेत निकाल्न थाले कार्यप्रगति विवरण, पदकै बेइज्जत

जाँदाजाँदै शेरबहादुर तामाङले 'ब्याक डेट' राखेर गरे यस्तो कर्तुत ! मन्त्रालयमा हल्लीखल्ली