काठमाडौं – गण्डकी प्रदेशसभा बैठकमा विश्वासको मत प्राप्त गर्न नसकेपछि विश्वासको मत गुमाएका पूर्व मुख्यमन्त्री पृथ्वीसुब्बा गुरुङले पूर्व मुख्यमन्त्रीको हैसियतमा सरकारबाटै कुनै सेवासुविधा नलिने घोषणा गरेका छन् ।

नवनियुक्त मुख्यमन्त्री कृष्णचन्द्र नेपाली पोखरेल नेतृत्वको सरकारको पहिलो मन्त्रिपरिषद् बैठकबाट पूर्व मुख्यमन्त्रीलाई सेवासुविधा दिन ऐन बनाउने निर्णय भएपछि नेताहरूको चर्काे आलोचना भएको थियो । गुरुङ नेपालमै पहिलो पूर्व मुख्यमन्त्री हुन् ।

सामाजिक सञ्जाल र सञ्चारमाध्यममा चर्काे आलोचना भएपछि पूर्व मुख्यमन्त्री पृथ्वीसुब्बा गुरुङले पूर्व मुख्यमन्त्रीको हैसियतमा कुनै सुविधा नलिने जनाएका छन् ।

गुरुङका प्रेस सल्लाहकार विक्रम न्यौपानेले पूर्व मुख्यमन्त्री हैसियतले गुरुङले कुनै पनि सुविधा लिने एकरत्ति पनि इच्छा नराखेको र सुविधा नलिने जनाएका छन् ।

मन्त्रिपरिषद् बैठकले गरेको निर्णय पूर्व मुख्यमन्त्रीलाई सुविधा दिने कानून बनाउने समाचारबाट धेरैमा भ्रम पर्न गएको जनाउँदै प्रेस सल्लाहकार न्यौपानेले गुरुङले सुविधा नलिने प्रस्ट पारेका छन् ।

प्रमुख प्रतिपक्ष दलको नेताको हैसियतबाटै जनताप्रति उत्तरदायी भूमिका निर्वाह गर्ने र नवगठित सरकारले जनताको सुविधामा ध्यान देओस् भन्ने एक मात्रै चाहना गुरुङको रहेको जनाइएको छ ।

पूर्व मुख्यमन्त्रीलाई सुविधा दिने प्रदेश सरकारको निर्णयको नेपाली कांग्रेसभित्रै विरोध भएको छ । गण्डकी प्रदेशका विभिन्न ८ जिल्लाका कांग्रेस सभापतिले सोमबार मुख्यमत्री पोखरेललाई भेटेर सरकारको निर्णयबारे ध्यानाकर्षण गराएका हुन् । 

पूर्व मुख्यमन्त्रीलाई सुविधा दिने निर्णयप्रति जिल्ला सभापतिहरूले ध्यानाकर्षण गराएपछि मुख्यमन्त्री पोखरेलले सुविधा दिने भनिएपनि के कस्तो दिने भन्नेबारे कुनै निर्णय नभएको जानकारी दिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

गण्डकी प्रदेशमा घिनलाग्दो काम : सांसदहरूले आफ्ना परिवारका सदस्यलाई पनि खुवाए दशैँ भत्ता

कांग्रेसको प्रवक्ता बन्न खोज्दै यी कम्युनिस्ट मुख्यमन्त्री !

केपी ओलीको पछि लाग्दा खाइपाई आएको मुख्यमन्त्री पद नै चट् !

मुख्यमन्त्रीको कडा ‘एक्सन’ : अविश्वास प्रस्ताव तयार हुँदै गर्दा प्रदेशसभा अधिवेशन अन्त्य 

ओली गुटमाथि चौतर्फी संकट : शंकर पोखरेलपछि अर्का मुख्यमन्त्रीमाथि आपत !

गण्डकी प्रदेशले आजै कांग्रेसबाट मुख्यमन्त्री पाउने, एमालेका गुरुङ पदमुक्त हुने