काठमाडौं – प्रमुख प्रतिपक्षी दल नेपाली कांग्रेससहित ३ दल मिलेर नेकपा एमालेका गण्डकी प्रदेशका मुख्यमन्त्री पृथ्वीसुब्बा गुरुङविरुद्ध अविश्वास प्रस्ताव तयार गर्नै लाग्दा प्रदेशसभा अधिवेशन अन्त्य गरिएको छ ।

मुख्यमन्त्री गुरुङविरुद्ध विपक्षीले अविश्वास प्रस्ताव दर्ता गर्नुअघि नै अधिवेशन अन्त्य गरिएको छ ।

मुख्यमन्त्री गुरुङका प्रेस सल्लाहकार विक्रम न्यौपानेले हिजो बुधवार साँझ बसेको मन्त्रिपरिषद् बैठकले अधिवेशन अन्त्य गरेको जानकारी दिए ।

मुख्यमन्त्री गुरुङविरुद्ध नेपाली कांग्रेस, माओवादी, जनता समाजवादी पार्टी (जसपा) र राष्ट्रिय जनमोर्चा (राजमो) एकमत भएर अविश्वास प्रस्ताव दर्ताको तयारी गरेका छन् ।

नयाँ सरकार गठनका लागि कांग्रेस, माओवादी र जसपाबीच सैद्धान्तिक सहमति जुटेपछि गण्डकी प्रदेशमा कांग्रेसको दौडधुप तीब्र भएको छ । गण्डकीमा नयाँ सरकारको गठजोड तीब्र भइरहँदा ३ दल कांग्रेस, माओवादी र जसपाको बैठक बस्दैछ ।

सरकारमा सहभागी हुने दुबै दलहरूसँगको भेटघाटबाट मन्त्रालय र अन्य राजनीतिक नियुक्तिको भागबण्डाका विषयमा सहमति जुट्ने स्रोतले जनाएको छ । दलहरूले आफ्ना सबै सांसदलाई पोखरामा उपलब्ध हुन निर्देशन समेत दिइसकेका छन् ।

मुख्यमन्त्रीबाहेक प्रदेश सरकारमा ६ वटा मन्त्रालय रहेका छन् । यीमध्ये भौतिक पूर्वाधार विकास र आर्थिक मामिला मन्त्रालयलाई आकर्षक मानिन्छ । विगतमा सत्ता साझेदार दल माओवादी केन्द्र भए पनि दुबै मन्त्रालय एमालेले राखेको थियो ।

माओवादीको भागमा भूमि व्यवस्था, कृषि तथा सहकारी र आन्तरिक मामिला तथा कानून मन्त्रालय रहेका थिए तर चैत २५ गते माओवादीले मन्त्रीलाई फिर्ता बोलाएपछि नयाँ सरकार गठनको सम्भावना खोजिएको छ ।

गण्डकीमा निर्णायक मानिएको ३ सिटे भएको जनमोर्चाले नयाँ सरकारलाई सघाउने संकेत गरेपछि मुख्यमन्त्री पृथ्वीसुब्बा गुरुङ नेतृत्वको सरकार ढल्ने निश्चित भएको छ ।

अब गण्डकीमा कांग्रेस, माओवादी र जसपाको त्रिशंकु सरकार बन्ने भएको छ । नयाँ बन्ने सरकारमा  कांग्रेसका सांसद कृष्णचन्द्र नेपाली मुख्यमन्त्री बन्ने निश्चित भइसकेको स्रोतले जानकारी दिएको छ ।

सरकारमा मन्त्रालय र मन्त्रीको भागबण्डा मिलेको हकमा बिहीबार नै मुख्यमन्त्रीविरुद्ध अविश्वासको प्रस्ताव एमाले बाहेकका अन्य दलले प्रदेशसभा सचिवालयमा दर्ता गराउने तयारी गरेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेसको प्रवक्ता बन्न खोज्दै यी कम्युनिस्ट मुख्यमन्त्री !

केपी ओलीको पछि लाग्दा खाइपाई आएको मुख्यमन्त्री पद नै चट् !

ओली गुटमाथि चौतर्फी संकट : शंकर पोखरेलपछि अर्का मुख्यमन्त्रीमाथि आपत !

गण्डकी प्रदेशले आजै कांग्रेसबाट मुख्यमन्त्री पाउने, एमालेका गुरुङ पदमुक्त हुने

अविश्वासको प्रस्तावमाथि मतदानअघि नै गण्डकीका मुख्यमन्त्री गुरुङले राजीनामा दिने, ओलीलाई भाउन्न

गण्डकी प्रदेशमा सांसद खरिदबिक्री हुनसक्ने डर, त्यसपछि निकालियो यस्तो जुक्ति !