काठमाडौं – लुम्बिनी प्रदेश सरकारका मुख्यमन्त्री शंकर पोखरेलविरुद्ध विपक्षी गठबन्धनले बनाएको घमासान मोर्चाबन्दी प्रदेशसभा बैठकमा प्रकट भएको छ ।

नेकपा एमाले नेतृत्वको पोखरेल सरकारले विनियोजन विधेयक २०७८ का सिद्धान्त र प्राथमिकता प्रदेश सभामा पेश गरेपछि नेपाली कांग्रेसका नेतृत्वको विपक्षी गठबन्धनले कडा विरोध जनाएको छ ।

बैठकमा विपक्षी दलका सांसदहरूले सरकारको वैधानिकतामा नै प्रश्न उठेकाले प्रि–बजेट छलफल आवश्यक नभएको तर्क गरेका छन् ।

आर्थिक मामिला तथा योजनामन्त्री बैजनाथ चौधरीले बजेटको प्राथमिकतामा बिहीवार प्रदेश सभामा कोभिड महामारी रोकथाम, नियन्त्रण र उपचार, कोभिड–१९ कारण प्रभावित अर्थतन्त्र, स्वास्थ्य पूर्वाधार, लगानीमैत्री वातावरण सिर्जना, रोजगारीको अवसर वृद्धि र सेवा प्रवाहमा चुस्तता गरी ७ उद्देश्य किटान गरेका छन् ।

बैठकमा नेकपा माओवादी केन्द्रका सांसद तुलाराम घर्तीले प्रदेश सरकार केन्द्र सरकारको छायाँ बनेको आरोप लगाउँदै अध्यादेशबाट बजेट ल्याउन सक्ने आशंका गरे । 

उनले भने, ‘सरकारको नियत के हो ? प्रश्न उठेको छ । प्रदेश सरकार केन्द्रको छायाँ बनेको छ । केन्द्रमा जस्तै यहाँ पनि संसद छल्ने संकेत देखिएको छ तर अध्यादेशबाट बजेट ल्याइए दुर्घटना हुनेछ, बेइमानी सह्य हुने छैन ।’

नेपाली कांग्रेसकी सांसद रमा अर्यालले अल्पमतको सरकारले बजेट ल्याउनु अनैतिक काम हुने बताइन् । सरकार स्वेच्छाचारी र तानाशाही तरिकाले चलेको बताउँदै उनले बजेटका प्राथमिकता र सिद्धान्त शब्दजालले भरिएको आरोप लगाएकी छन् ।

नेकपा माओवादी केन्द्रकी सांसद दामा शर्माले सरकार अल्पमतमा परेको दावी गर्दै बहुमतसिद्ध गर्न वा राजीनामा दिन माग गरेकी छन् । शर्माले अल्पमतको सरकारले बजेट ल्याउन नसक्ने तर्क समेत गरिन् ।

नेकपा माओवादी केन्द्रकी सांसद दिपा विकले अहिले प्रदेश सरकार वैधानिक हो कि होइन भन्दै प्रश्न गरेकी छन् । जनता समाजवादी पार्टीकी सांसद पुरमती ढेंगाले वर्तमान सरकार असंवैधानिक र अल्पमतको भएकाले वैधानिकता गुमाइसकेको बताएकी छन् ।

राष्ट्रिय जनमोर्चा (राजमो) की सांसद तारा जीसीले प्रदेश संसद विकास कोष खारेज गरेर ५२ वटै निर्वाचन क्षेत्रमा अक्सिजन प्लान्ट स्थापना गर्न प्रदेश सरकारलाई सुझाव दिएकी छन् ।

प्रदेशसभा बैठकमा बजेट पारित गर्ने दिन हुने मतदानबाट मुख्यमन्त्री पोखरेललाई अल्पमतमा पारेर देखाइदिने दाउ विपक्षी गठबन्धनले लिएको छ । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ओलीले आफ्ना दूत पौडेल र पोखरेललाई किन पठाए खुमलटार ? माधव नेपाल आक्रोशित

ओलीका विश्वास पात्र शंकर पोखरेलले प्रदेश ५ को मुख्यमन्त्रीबाट राजिनामा दिँदै , के हो कारण? 

महिलासँग यौन बात लागेका नेताको यी मुख्यमन्त्रीले गरे बचाउ

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

‘रअ’ प्रमुख भारतीय प्रधानमन्त्रीको सन्देश लिएरआएका शंकर पोखरेलको दाबी