काठमाडौं – नेकपा एमाले नेतृत्वको सरकार अल्पमतमा परेको हालै सम्पन्न राष्ट्रियसभा सदस्य उपनिर्वाचन परिणाममा देखिएपछि बसेको नेकपा लुम्बिनी संसदीय दलको बैठकले सरकारका नीति तथा कार्यक्रम र बजेटमा सबै सांसदहरू एकसाथ एकढिक्का भएर जाने निर्णय गरेको छ ।

मुख्यमन्त्री शंकर पोखरेल नेतृत्वको संसदीय दलको बैठकले एकढिक्का भएर जाने निर्णय गरेको प्रमुख सचेतक भूमिश्वर ढकालले बताएका छन् ।

मुख्यमन्त्री पोखरेलको अध्यक्षतामा बसेको बैठकमा प्रदेश सभामा सरकारविरुद्ध हुने असंवैधानिक क्रियाकलापका विरुद्धमा सबै सांसदहरू एकसाथ उभिने निर्णय गरिएको उनले जानकारी दिए ।

अधिवेशनको पहिलो दिनको कार्यसूचीमा प्रदेश प्रमुख कार्यालयबाट आएका पत्रबारे जानकारी दिने र दलका प्रमुखहरूले औपचारिक रूपमा शुभकामना दिने कार्यसूची कार्यव्यवस्था परामर्श समितिको बैठकले तय गरिसकेको छ ।

विपक्षी गठबन्धन दलका नेताहरूले सभामुख पूर्णबहादुर घर्तीलाई अविश्वासको प्रस्ताव पेश गर्न लगाउने आशंकाका समाचार बाहिरिएपछि सत्तारुढ एमालेले प्रतिवाद गर्ने निर्णय गरेको छ ।

प्रमुख सचेतक ढकालले कानून विपरीत दर्ता भएको अविश्वासको प्रस्तावलाई अगाडि सारिए तत्काल बहिष्कार गर्ने र सरकारलाई अध्यादेशबाट नीति तथा कार्यक्रम र बजेट ल्याउन सिफारिस गर्ने बताएका छन् । 

ढकालका अनुसार प्रतिपक्षीले बाध्य बनाएर संसद अन्त्य गर्ने वातावरण नआओस् भन्ने चाहेको बताएका छन् । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ओलीले आफ्ना दूत पौडेल र पोखरेललाई किन पठाए खुमलटार ? माधव नेपाल आक्रोशित

ओलीका विश्वास पात्र शंकर पोखरेलले प्रदेश ५ को मुख्यमन्त्रीबाट राजिनामा दिँदै , के हो कारण? 

महिलासँग यौन बात लागेका नेताको यी मुख्यमन्त्रीले गरे बचाउ

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

‘रअ’ प्रमुख भारतीय प्रधानमन्त्रीको सन्देश लिएरआएका शंकर पोखरेलको दाबी