काठमाडौं – नेकपा एमालेले अल्पमतको सरकार बनाएको गण्डकी प्रदेशका मुख्यमन्त्री पृथ्वीसुब्बा गुरुङले बुधबार मन्त्रिमण्डल विस्तार गरेका छन् ।

संसदमा प्रमुख प्रतिपक्षी दल नेपाली कांग्रेससहित ३ दलले बहुमतको सरकार बनाउन नसकेपछि वैशाख २९ गते मुख्यमन्त्रीमा दोस्रो पटक नियुक्त भएका मुख्यमन्त्री गुरुङले १ हप्तापछि मन्त्रिमण्डल विस्तार गरेका छन् । 

मुख्यमन्त्री पृथ्वीसुब्बा गुरुङले पहिलेकै मन्त्रीलाई पुनः नियुक्त गरेका छन् । गुरुङले आर्थिक मामिला तथा योजना मन्त्री किरण गुरुङलाई बनाएका छन् भने रामशरण बस्नेत, विकास लम्साल र नरदेवी पुनलाई मन्त्री बनेका छन् । नवनियुक्त मन्त्रीहरूलाई मन्त्रालयको जिम्मेवारी दिन बाँकी छ । नवनियुक्त मन्त्रीले प्रदेश प्रमुख सीताकुमारी पौडेलबाट बुधवार पद तथा गोपनीयताको शपथ गरेका छन् ।

मन्त्रीमा राजीव गुरुङ ‘दीपक मनाङे’ समेत पुनः नियुक्त भएका छन् । उनी काठमाडौं भएकाले शपथमा सहभागी भने भएनन् ।

नवगठित मन्त्रिपरिषद्मा यसअघिको मन्त्रिमण्डलमा जिम्मेवारी लिएका पुरानै अनुहार दोहरिएका छन् । मुख्यमन्त्री गुरुङले प्रिबजेटको तयारी थाल्नका लागि भौतिक र अर्थमन्त्री मात्रै नियुक्ति गर्ने योजना बनाएको भए पनि पार्टीका नेतासँगको छलफलपछि पुरानै मन्त्रीलाई पुनः मन्त्रीमा नियुक्त गरेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

गण्डकी प्रदेशमा घिनलाग्दो काम : सांसदहरूले आफ्ना परिवारका सदस्यलाई पनि खुवाए दशैँ भत्ता

कम्युनिस्ट सांसद दिपक मनाङेकी पत्नी ५० हजार तिरेर रिहा

दिपक मनाङेलाई बामदेव गौतमको केन्द्रीय सदस्य उपहार !

कांग्रेसको प्रवक्ता बन्न खोज्दै यी कम्युनिस्ट मुख्यमन्त्री !

केपी ओलीको पछि लाग्दा खाइपाई आएको मुख्यमन्त्री पद नै चट् !

मुख्यमन्त्रीको कडा ‘एक्सन’ : अविश्वास प्रस्ताव तयार हुँदै गर्दा प्रदेशसभा अधिवेशन अन्त्य