काठमाडौं – प्रदेश सभामा नेकपा एमालेको एकल बहुमत रहेको भन्दै पुनः मुख्यमन्त्री बनेका शंकर पोखरेललाई अर्काे संकट आइपरेको छ ।

पोखरेल मुख्यमन्त्री बनेपछि एमालेमा सांसद पदबाट राजीनामा दिएर अर्काे पार्टीमा जाने लहर नै चलेको छ । दाङ जिल्लाको निर्वाचन क्षेत्र नम्बर २ (ख) बाट निर्वाचित लुम्बिनी प्रदेशसभा सदस्य अमरबहादुर डाँगी क्षेत्रीले आज बुधबार पदबाट बुधबार राजीनामा दिएका छन् ।

उनी हिजो मंगलबार नेकपा माओवादी केन्द्रमा प्रवेश गरेका थिए । यसअघि एमालेकै एक सांसद पार्टी परित्याग गरेर कांग्रेसमा प्रवेश गरेका थिए । यसरी प्रदेश सभामा बहुमत रहेको भनेका मुख्यमन्त्री शंकर पोखरेलको सरकार संकटमा परेको छ ।

सांसद डाँगीले आज बुधबार दिउँसो लुम्बिनी प्रदेशका सभामुख पूर्णबहादुर घर्तीलाई राजीनापत्र बुझाएका छन् । प्रदेशसभा सचिवालयका सचिव दुर्लभकुमार पुनमगरले डाँगीले राजीनामा दिएसँगै पद रिक्त गर्ने प्रक्रिया अगाडि बढेको बताए । ‘उहाँले राजीनामा दिएसँग संविधानको धारा १८० (क) बमोजिम उहाँको स्थान रिक्त भएको छ,’ पुनले भनेका छन् । 

यसअघि कपिलवस्तुका दृगनारायण पाण्डेले समेत सांसद पदबाट राजीनामा दिएर कांग्रेसमा प्रवेश गरेका थिए । मुख्यमन्त्रीकै गृहजिल्ला दाङका डाँगीले पोखरेलको साथ छाडेपछि अहिले राजनीति तरङ्गित भएको छ ।

यसअघि नेकपाबाट निर्वाचन जितेकी दाङकी सांसद विमला वलीले समेत एमाले छाडेर नेकपा माओवादी केन्द्र रोजेकी थिइन् । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ओलीले आफ्ना दूत पौडेल र पोखरेललाई किन पठाए खुमलटार ? माधव नेपाल आक्रोशित

ओलीका विश्वास पात्र शंकर पोखरेलले प्रदेश ५ को मुख्यमन्त्रीबाट राजिनामा दिँदै , के हो कारण? 

महिलासँग यौन बात लागेका नेताको यी मुख्यमन्त्रीले गरे बचाउ

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

‘रअ’ प्रमुख भारतीय प्रधानमन्त्रीको सन्देश लिएरआएका शंकर पोखरेलको दाबी