काठमाडौं – नेकपा एमाले पार्टीभित्र विवाद बढेर संकटमा परेका लुम्बिनी प्रदेशका मुख्यमन्त्री शंकर पोखरेलले जनता समाजवादी पार्टी (जसपा) नेपालले कारवाही गरेर निष्कासन गरेका नेताहरूलाई नयाँ मन्त्री नियुक्त गरेका छन् ।

सोमबार मन्त्रिपरिषद् विस्तार गर्दै मुख्यमन्त्री पोखरेलले जसपाबाट निष्कासित कल्पना पाण्डे र सुमन शर्मा रायमाझीलाई दोस्रो पटक मन्त्रिपरिषद् विस्तार गरेका हुन् । यसअघि मन्त्री हुँदा सांसद पद नै गुमेपछि दुवै जना पदमुक्त भएका थिए ।

पाण्डेलाई शिक्षा तथा सामाजिक विकास मन्त्री बनाइएको छ भने रायमाझीलाई भौतिक पूर्वाधार राज्यमन्त्री बनाइएको छ ।

जसपाबाट पदमुक्त भएका अन्य २ जना सन्तोष पाण्डेय र विजयबहादुर यादवले हिजो आईतबार नै शपथ ग्रहण गरिसकेका थिए । यससँगै पार्टी निर्णयविपरीत शंकर पोखरेलको पक्षमा लाग्ने चारै जना फेरि मन्त्री बनेका छन् ।

नवनियुक्त शिक्षामन्त्री पाण्डेलाई प्रदेश प्रमुख धर्मनाथ प्रसाद यादवले पद तथा गोपनीयताको शपथ गराएका छन् । राज्यमन्त्री रायमाझीलाई मुख्यमन्त्री पोखरेलले पद तथा गोपनीयताको शपथ गराएका छन् ।

पार्टी निर्णय विपरीत अविश्वासको प्रस्तावको विपक्षमा उभिएपछि मुख्यमन्त्री पोखरेलले पाण्डेलाई शिक्षामन्त्री र रायमाझीलाई भौतिक पूर्वाधार राज्यमन्त्री बनाएका थिए ।

नेता पोखरेल पुनः मुख्यमन्त्रीमा नियुक्त भएपछि जसपाका अन्य २ नेतालाई समेटेर आईतबार साँझ नै मन्त्रिपरिषद् विस्तार भएको थियो । लुम्बिनीमा नेपाली कांग्रेस, माओवादी केन्द्रसहित ४ दलले अविश्वास प्रस्ताव प्रदेश सभामा दर्ता गरेपछि आईतबार विशेष अधिवेशन सुरु हुनुअघि नै मुख्यमन्त्री पोखरेलले पदबाट राजीनामा दिएका थिए ।

राजीनामा दिएका मुख्यमन्त्री पोखरेललाई प्रदेश प्रमुखले एमालेको एकल बहुमतको सरकारमा मुख्यमन्त्री नियुक्त गरेका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ओलीले आफ्ना दूत पौडेल र पोखरेललाई किन पठाए खुमलटार ? माधव नेपाल आक्रोशित

ओलीका विश्वास पात्र शंकर पोखरेलले प्रदेश ५ को मुख्यमन्त्रीबाट राजिनामा दिँदै , के हो कारण? 

महिलासँग यौन बात लागेका नेताको यी मुख्यमन्त्रीले गरे बचाउ

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

‘रअ’ प्रमुख भारतीय प्रधानमन्त्रीको सन्देश लिएरआएका शंकर पोखरेलको दाबी