काठमाडौं – लुम्बिनी प्रदेशमा हिजो आईतबार देखिएका अनेक घटनाक्रमबीच सूर्य चिह्नबाट चुनाव लडेर प्रतिपक्षी गठबन्धनमा सहभागी भएका भनिएका २ सांसदले नेकपा एमालेमै रहेको स्पष्टीकरण दिएका छन् ।

आज सोमबार प्रेस विज्ञप्ति जारी गर्दै सांसदहरू धर्मबहादुर लाल श्रीवास्तव र अजय शाहीले आफूहरू एमालेमै रहेको स्पष्ट पारेका छन् ।

यसअघि श्रीवास्तव र शाहीले नेकपा माओवादी केन्द्र र नेपाली कांग्रेसको गठबन्धनमा हस्ताक्षर गरेको प्रचार गरिएको थियो । 

प्रधानमन्त्री केपी शर्मा ओलीका प्रेस सल्लाहकार सूर्य थापाले प्रेस विज्ञप्ति सार्वजनिक गर्दै लहरो तान्दा पहरो गर्जने दाबी गरेका छन् । 

सल्लाहकार थापाले ट्विटरमा लेखेका छन्, ‘ मुख्यमन्त्री शंकर पोखरेलको साथमा मा. शाही र श्रीवास्तव । हस्ताक्षर दुरुपयोग गरेकोमा कुलप्रसाद केसी (कांग्रेस, माके, उबा र जनमोर्चा) गठबन्धनको विरोध र निन्दा । बिमला प्रकरणको पनि लहरो तान्दा पहरो गर्जंदै । प्रचण्डकै नेतृत्वमा आयारामगयाराम प्रवृत्ति बढाउन चलखेल गरेको तथ्य ।’

विपक्षी गठबन्धनले आफूहरूसँग ४२ सांसदको समर्थन रहेको दाबी गरिरहँदा २ जना सांसद एमालेतिरै फर्किएपछि अब बहुमत नहुने स्थिति आएको छ । एमाले संसदीय दलमा ४१ सदस्य देखिएपछि मुख्यमन्त्री शंकर पोखरेलले आईतबार नै शपथ खाइसकेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ओलीले आफ्ना दूत पौडेल र पोखरेललाई किन पठाए खुमलटार ? माधव नेपाल आक्रोशित

ओलीका विश्वास पात्र शंकर पोखरेलले प्रदेश ५ को मुख्यमन्त्रीबाट राजिनामा दिँदै , के हो कारण? 

महिलासँग यौन बात लागेका नेताको यी मुख्यमन्त्रीले गरे बचाउ

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

यी हुन् कांग्रेसका ५ सांसद : जसले ह्वीप नमानी दाङलाई राजधानी बनाउन कस्सीए