काठमाडौं – मुख्यमन्त्री पदको शपथ ग्रहण कार्यक्रम प्रदेश प्रमुखको कार्यालयमा हुने गर्छ । तर लुम्बिनी प्रदेशमा विपक्षी गठबन्धनका सांसदले प्रदेश प्रमुखको कार्यालय दिउँसैदेखि घेरेपछि नवनियुक्त मुख्यमन्त्री शंकर पोखरेललाई सुटुक्क शपथ गराउने योजना बन्यो ।

गोप्य योजना अनुसार मुख्यमन्त्री पोखरेललाई मुख्यमन्त्री तथा मन्त्रिपरिषद्को कार्यालयमै पद तथा गोपनीयताको शपथ गराइएको छ तर सुटुक्क शपथ खुवाइरहेकोबारे थाहा पाएका विपक्षी सांसदहरू मुख्यमन्त्री कार्यालयमै आएर होहल्ला गरेका छन् ।

प्रदेश प्रमुख धर्मनाथ यादव शपथ गराउन मुख्यमन्त्री तथा मन्त्रिपरिषद्को कार्यालय गएका हुन् । विपक्षी गठबन्धनका कार्यकर्ताले बाहिर नाराबाजी गरिरहँदा भित्र मुख्यमन्त्रीले शपथ खाइरहेका थिए । यसरी मुख्यमन्त्री कार्यालयमा खैलाबैला मच्चिएको छ ।

नेता पोखरेलले आईतबार बिहान राजीनामा दिएर दिउँसो एकल बहुमत प्राप्त संसदीय दलको नेताको हैसियतमा सरकार गठनका लागि ४१ सांसदको हस्ताक्षरसहित निवेदन बुझाएका थिए । निवेदन अनुसार नै प्रदेश प्रमुख यादवले पोखरेललाई मुख्यमन्त्री नियुक्त गरे ।

हाल प्रदेश सभामा कायम ८१ जना प्रदेशसभा सदस्यमध्ये ४१ जनाको हस्ताक्षरसहित प्रदेश प्रमुखसमक्ष शंकर पोखरेलले पुनः मुख्यमन्त्रीको दाबी पेश गरेलगत्तै माओवादी केन्द्र र कांग्रेसले कुलप्रसाद केसीलाई मुख्यमन्त्रीमा प्रस्ताव गर्दै ४० जनाको हस्ताक्षर प्रदेश प्रमुखसमक्ष पेश गरेपनि त्यतिबेलासम्म शंकर पोखरेल मुख्यमन्त्री बनिसकेका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ओलीले आफ्ना दूत पौडेल र पोखरेललाई किन पठाए खुमलटार ? माधव नेपाल आक्रोशित

ओलीका विश्वास पात्र शंकर पोखरेलले प्रदेश ५ को मुख्यमन्त्रीबाट राजिनामा दिँदै , के हो कारण? 

महिलासँग यौन बात लागेका नेताको यी मुख्यमन्त्रीले गरे बचाउ

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

एकै सटमा शंकर पोखरेलद्वारा विष्णु पौडेलको राजनीतिक भविष्य स्वाहा

‘रअ’ प्रमुख भारतीय प्रधानमन्त्रीको सन्देश लिएरआएका शंकर पोखरेलको दाबी