काठमाडौं – गण्डकी प्रदेश सरकारको युवा तथा खेलकुद मन्त्रीमा नवनियुक्त स्वतन्त्र सांसद राजीव गुरुङ उर्फ दीपक मनाङेले पद तथा गोपनीयताको शपथ खाएका छन् ।

नेकपा एमालेका मुख्यमन्त्री पृथ्वीसुब्बा गुरुङको उपस्थितिमा गुरुङलाई प्रदेश प्रमुख अमिक शेरचनले प्रदेश नीति तथा योजना आयोगको हलमा शपथ खुवाएका छन् ।

प्रदेश सभामा अविश्वासको प्रस्ताव आएका बेला मुख्यमन्त्री गुरुङले मन्त्रिपरिषद् विस्तार गरेर मनाङेलाई मन्त्री पदमा नियुक्त गरेका छन् ।

मुख्यमन्त्री गुरुङले सामाजिक विकास मन्त्रालय टुक्र्याएर सांसद मनाङेलाई मन्त्री बनाएका छन् । यसअघि माओवादी केन्द्रका मन्त्रीले राजीनामा दिएपछि आन्तरिक मामिला तथा कानून मन्त्रालय र भूमि व्यवस्था, कृषि तथा सहकारी मन्त्रालय खाली नै रहेको छ ।

कानून मन्त्रालयको जिम्मा भौतिक पूर्वाधार विकास मन्त्री रामशरण बस्नेत र कृषि मन्त्रालयको जिम्मा मुख्यमन्त्री गुरुङले आफैंले लिएका छन् ।

सांसद मनाङे मनाङको प्रदेशसभा निर्वाचन क्षेत्र नम्बर २ बाट स्वतन्त्र रूपमा विजयी भएका थिए । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कम्युनिस्ट सांसद दिपक मनाङेकी पत्नी ५० हजार तिरेर रिहा

दिपक मनाङेलाई बामदेव गौतमको केन्द्रीय सदस्य उपहार !

कांग्रेसको प्रवक्ता बन्न खोज्दै यी कम्युनिस्ट मुख्यमन्त्री !

केपी ओलीको पछि लाग्दा खाइपाई आएको मुख्यमन्त्री पद नै चट् !

मुख्यमन्त्रीको कडा ‘एक्सन’ : अविश्वास प्रस्ताव तयार हुँदै गर्दा प्रदेशसभा अधिवेशन अन्त्य 

ओली गुटमाथि चौतर्फी संकट : शंकर पोखरेलपछि अर्का मुख्यमन्त्रीमाथि आपत !