काठमाडौं – सर्वाेच्च अदालतले नेकपा एकता बदर गरिदिएर नेकपा एमाले र माओवादी केन्द्र ब्युँताएपछि मुख्यमन्त्री हटाउने प्रयासबीच कर्णाली प्रदेशका मुख्यमन्त्री महेन्द्रबहादुर शाही पर्सि शुक्रबार अग्निपरीक्षामा उभिने भएका छन् ।

मुख्यमन्त्री शाहीले पर्सि प्रदेशसभा बैठकमा विश्वासको मतका लागि उभिने भएका छन् ।

मुख्यमन्त्री शाहीले प्रदेशसभा सचिवालयलाई पत्र लेख्दै गर्दै नेपालको संविधानको धारा १८८(२) बमोजिम विश्वासको मत लिने प्रयोजनका लागि आवश्यक व्यवस्था मिलाउन आग्रह गरेका छन् । 

कर्णाली प्रदेश सभामा ठूलो दल नेकपा एमालेले नेकपा माओवादी केन्द्र नेतृत्वको प्रदेश सरकारलाई यसअघि दिएको समर्थन फिर्ता लिएपछि मुख्यमन्त्री शाहीलाई विश्वासको मत लिनुपर्ने बाध्यता आएको छ ।

नेकपा एमाले संसदीय दलको बैठकले चैत ५ गतेदेखि प्रदेश सरकारलाई दिएको समर्थन फिर्ता लिएको छ । माओवादी केन्द्रका नेता शाही संविधानको धारा १६८(२) बमोजिम मुख्यमन्त्री नियुक्त भएका थिए । २ वा २ भन्दा बढी दलको समर्थनमा नियुक्त मुख्यमन्त्रीलाई समर्थन गरेको दलले समर्थन फिर्ता लिएको ३० दिनभित्र विश्वासको मत लिनुपर्ने व्यवस्था रहेको छ । मुख्यमन्त्री शाहीले विश्वासको मत लिइसक्नुपर्ने समयसीमा पर्सि शुक्रवार पूरा हुँदैछ ।

कर्णाली प्रदेश सरकारका भूमि व्यवस्था, कृषि तथा सहकारी मन्त्री, सरकार प्रवक्ता विमला केसीले ३ गते विश्वासको मत लिने जानकारी दिइन् । ‘संसद सचिवालयमा चिठी दर्ता भइसकेको छ । विश्वासको मत पाउने र नपाउने त्यहीँ दिन थाह हुन्छ,’ उनले भनिन् । प्रदेशसभा बैठकमा मुख्यमन्त्री शाहीको पक्षमा बहुमत नजुटेमा पदमुक्त हुनेछन् भने बहुमत पुगेमा ढुक्कले सरकार चलाउन पाउने छन् ।

प्रदेश सभाको सातौं अधिवेशन समेत शुक्रवारबाटै सुरू हुने भएको छ । प्रदेशसभा सचिव जीवराज बुढाथोकीले पर्सि शुक्रवार बस्ने अधिवेशनको पहिलो बैठकमा सभा सञ्चालन नभएको अवस्थामा प्रदेश सरकारले ल्याएका अध्यादेश टेबुल हुने जानकारी दिए ।

प्रदेशसभा सचिव बुढाथोकीले शुक्रवार नै अविश्वासको प्रस्तावउपर टुंगो लाग्ने बताएका छन् । ‘संवैधानिक समयसीमाका कारण सोही दिन मुख्यमन्त्रीले विश्वासको मत लिने प्रस्तावमाथि टुंगो लाग्नुपर्छ, मुख्यमन्त्रीले विश्वासको मत माग्ने र अन्य दलका नेताहरूले प्रस्तावमाथि आफ्नो धारणा राख्नुहुन्छ,’ बुढाथोकीले भने, ‘कुन दलबाट कसले बोल्ने भन्ने सम्बन्धमा बिहीवार बस्ने कार्यव्यवस्था परामर्श समितिको बैठकले तय गर्नेछ ।’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कर्णाली प्रदेशमा पासा पल्टियो, मुख्यमन्त्री शाहीको पक्षमा २२ सांसद

प्रचण्ड एक्सनमा उत्रिएपछि कर्णाली प्रदेशमा ओली समूह ‘आउट’, दुई मन्त्रीको जाने भो जागिर

मैदानमा उत्रिएका यी कम्युनिस्ट मुख्यमन्त्री पराजित

यी कम्युनिस्ट मुख्यमन्त्रीको सचिवालयमा हेरफेर

कर्णाली प्रदेशका मुख्यमन्त्री शाही अस्पताल भर्ना

माओवादी केन्द्रका सचिवको घोषणा : अब प्रचण्डलाई माओवादी पार्टी दिन सकिन्न !