काठमाडौं – नेकपा एमालेभित्र चर्चित युवा योगेश भट्टराईको गृहजिल्ला ताप्लेजुङका नेता बलबहादुर तामाङ नेपाली कांग्रेसमा प्रवेश गरेका छन् ।

तामाङ नेपाल वैदेशिक रोजगार व्यवसायी संघका पूर्व अध्यक्ष समेत रहेका छन् । उनी भट्टराई निकट व्यवसायी मानिन्छन् ।

एमालेका चर्चित युवा नेता योगेश भट्टराईका खास मान्छे मानिएका तामाङ एमालेको सांगठनिक गतिविधिमा पनि निकै सक्रिय रहेका थिए ।

म्यानपावरबाहेक हाइड्रोपावर लगायतका व्यवसायमा आवद्ध तामाङ बुधवार नेपाली कांग्रेस प्रवेश गरेका छन् ।

तामाङलाई कांग्रेस सभापति तथा पूर्व प्रधानमन्त्री शेरबहादुर देउवाले पार्टी प्रवेश गराएका छन् ।

कांग्रेस निकट नेपाल लोकतान्त्रिक वैदेशिक रोजगार व्यवसायी संघका पूर्व अध्यक्ष प्रज्ञान न्यौपानेका अनुसार वैदेशिक रोजगार व्यवसायी संघका पूर्व अध्यक्ष तामाङ सयौं एमाले कार्यकर्ताका साथ नेपाली कांग्रेसमा प्रवेश गरेका छन् ।

तामाङ कांग्रेसमा प्रवेश गरेपछि एमालेभित्र सन्नाटा छाएको छ । एमालेभित्र किचलो मच्चिएका बेला तामाङको कांग्रेस प्रवेशले नेता भट्टराईलाई ठूलो धक्का लागेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

योगेश भट्टराई बोलिरहँदा बज्यो अश्लिल भिडियो

पर्यटनमन्त्रीले फेरी गरे यति ठूलो चलखेल, चौतर्फी हंगामा!

कोरोना कहरमा कम्युनिस्ट मन्त्रीले रातारात पशुपति विकास कोषमा ४३ जना कार्यकर्ता भर्ती गर्दै

नेपाल–भारत उडान सुरु गर्न योगेश भट्टराई र विनयमोहन क्वात्राबीच छलफल

योगेश भट्टराई र पार्वत गुरुङ आवश्यक परे राजीनामा दिन्छु भनेर घुर्की लगाउँछन्, तर किन दिन सक्दैनन् ?

नेकपाले योगेश भट्टराईलाई दियो ठूलो जिम्मेवारी, अरु युवा हेरेको हेर्‍यै