काठमाडौं – सत्तारुढ नेपाल कम्युनिस्ट पार्टी (एमाले) केन्द्रीय कमिटी र संसदीय दलको बैठक आज शनिबार बस्दैछ ।

प्रधानमन्त्री निवास बालुवाटारमा शनिवार बिहान १० बजे संसदीय दलको बैठक आह्वान गरिएको छ ।

प्रधानमन्त्री तथा पार्टी अध्यक्ष केपी शर्मा ओलीले संसदीय दलको बैठक सकेर केन्द्रीय कमिटीको बैठक बस्ने गरी गृहकार्य अघि बढाएका छन् ।

नेकपा केन्द्रीय सदस्य एवं सांसद शेरबहादुर तामाङले शनिवार संसदीय दल र केन्द्रीय कमिटीको बैठक बस्ने बताएका छन् । यसअघि बसेको केन्द्रीय कमिटी र संसदीय दलको बैठक बहिष्कार गरेका वरिष्ठ नेताद्वय माधवकुमार नेपाल र झलनाथ खनाल समूहले शनिवारको बैठक समेत बहिष्कार गर्ने भएका छन् ।

शुक्रवार राति बानेश्वरमा बसेको नेपाल समूहको स्थायी कमिटी बैठकले बैठक बहिष्कार गर्ने निर्णय गरेको उपाध्यक्ष भीम रावलले बताएका छन् । विगतमा संसदीय दलको बैठक दलको कार्यालय सिंहदरबार वा संसद भवन बानेश्वरमा बस्दै आएकोमा यसपटक प्रधानमन्त्रीको निवासमा राखेर दललाई निजीकरण गर्न खोजिएकाले त्यसमा सहभागी नहुने निर्णय भएको रावलले बताएका छन् ।

नेता रावलले बैठक दलको कार्यालय वा संसद भवनमा आयोजना गरी उपयुक्त एजेन्डा र प्रक्रिया अवलम्बन गरिएमा बैठकमा सहभागी हुन सकिने बताएका छन् ।

यसैबीच, उपाध्यक्ष बामदेव गौतमले संसदीय दल र केन्द्रीय कमिटीको दुबै बैठकमा सहभागी हुने जनाएका छन् । अखिल नेपाल किसान महासंघको शुक्रवार भएको एक कार्यक्रमलाई सम्बोधन गर्दै उनले केन्द्रीय कमिटी र संसदीय दलको बैठकमा सहभागी हुने बताएका छन् ।

तर उपाध्यक्ष गौतमले फाुगन २८ गते ओली पक्षको केन्द्रीय कमिटी बैठकले गरेका निर्णय खारेज गर्नुपर्ने माग अघि सार्नेछन् र त्यो माग सम्बोधन नभएको अवस्थामा गौतमले बैठक बहिष्कार गर्ने सचिवालयले जनाएको छ ।

यसैबीच, नेपाल पक्षको युवा संघ नेपालले शनिवार काठमाडौंमा राष्ट्रिय कार्यकर्ता भेला गर्दैछ । शुक्रवार काठमाडौंमा पत्रकार सम्मेलन गर्दै संघले भेलाको उद्घाटन वरिष्ठ नेता नेपालले गर्ने जनाएको छ । सोही भेलाबाट केन्द्रीय कमिटीको समेत घोषणा गरिने जनाइएको छ । आजको राजधानी दैनिकमा समाचार प्रकाशित छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

बामदेव र नारायणकाजीको चुनाव हारेर पनि भाग्य चम्किँदै, दुवै उपप्रधानमन्त्री हुने पक्का! 

ओलीले अर्थमन्त्रीमा खतिवडालाई नै निरन्तरता दिँदै, बामदेव फेरी जिल्लिँदै!

ओलीलाई आपत:  राजा हटाए भन्दा युवराजलाई हटाउन चर्को, बामदेवको घोषणाले खैलाबैला! 

ओलीले फाले नयाँ तुरूप, बामदेवलाई राष्ट्रियसभामा लगेपनि मन्त्री नबनाउने! 

यस्तो रहेछ बामदेवले गृहमन्त्रालय छोडेर अर्थ ताक्नुको कारण

बामदेवले बाजी मारेपछि अर्थमन्त्री खतिवडाले राजिनामा दिँदै