काठमाडौं – सत्तारुढ नेकपा एमालेले कर्णाली प्रदेश सरकारलाई दिएको समर्थन फिर्ता लिएपछि नेकपा माओवादी केन्द्रका मुख्यमन्त्री महेन्द्रबहादुर शाही नेतृत्वको सरकार ढल्ने भएको छ ।

हालै सर्वोच्च अदालतले एमाले र माओवादी केन्द्र ब्युँताइदिएको झण्डै २ हप्तापछि बुधबार बसेको एमाले संसदीय दलको बैठकले कर्णाली प्रदेश सरकारलाई दिएको समर्थन फिर्ता लिने निर्णय गरेको संसदीय दलका नेता यमलाल कँडेलले बताएका छन् ।

बुधबारको बैठकमा माधव नेपाल पक्षका ९ जना सांसद अनुपस्थित रहेका थिए । अनुपस्थित सांसदहरूलाई स्पष्टीकरण सोधिने समेत कंडेलले बताएका छन् ।

नेकपा एमालेले समर्थन फिर्ता लिएसँगै मुख्यमन्त्री महेन्द्रबहादुर शाही अल्पमतमा परेका हुन् । अबको ३० दिनभित्र शाहीले प्रदेश सभामा विश्वासको मत लिनुपर्ने व्यवस्था छ । विश्वासको मत नलिएमा प्रदेश सरकार ढल्ने छ ।

कर्णाली प्रदेशमा एमाले बलियो रहेकाले मुख्यमन्त्री शाही नेतृत्वको सरकारले विश्वासको मत लिन नसक्ने स्रोतले जनाएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कर्णाली प्रदेशमा पासा पल्टियो, मुख्यमन्त्री शाहीको पक्षमा २२ सांसद

प्रचण्ड एक्सनमा उत्रिएपछि कर्णाली प्रदेशमा ओली समूह ‘आउट’, दुई मन्त्रीको जाने भो जागिर

मैदानमा उत्रिएका यी कम्युनिस्ट मुख्यमन्त्री पराजित

यी कम्युनिस्ट मुख्यमन्त्रीको सचिवालयमा हेरफेर

कर्णाली प्रदेशका मुख्यमन्त्री शाही अस्पताल भर्ना

एमालेमा झमेला परेका बेला मुख्यमन्त्री शाहीको कुर्सी के हुन्छ ?