प्रतिनिधिसभा विघटन विरुद्धको मुद्दामा पक्षविपक्षको बहस सकियो, अब फैसला कहिले ?
प्रतिनिधिसभा विघटन विरुद्धको मुद्दामा पक्षविपक्षको बहस सकियो, अब फैसला कहिले ?
काठमाडौं – प्रतिनिधिसभा संसद विघटन विरुद्धको मुद्दामा सर्वाेच्च अदालतमा सोमवारसम्म रिट निवेदक पक्षविपक्षको बहस सकिएको छ । सोमवार निवेदक पक्षका अधिवक्ताहरूले जवाफी बहस गरेका थिए ।
अब भोलि मंगलवारदेखि अदालतको सहयोगी (एमिकस क्युरी) को बहस शुरू हुने भएको छ ।
विघटनको मुद्दामा सर्वोच्च अदालतले नेपाल बार एसोसिएसनबाट ३ जना र सर्वोच्च अदालत बार एसोसिएसनबाट २ जना एमिकस क्युरी माग गरेको थियो ।
नेपाल बारले बद्रीबहादुर कार्की, विजयकान्त मैनाली र सतीशकृष्ण खरेल तथा सर्वोच्च अदालत बार एसोसिएसनबाट पूर्णमान शाक्य र गीता पाठक एमिकस क्युरीको रूपमा चयन भएका थिए ।
क्युरीका प्रतिनिधि कुनै पक्षविपक्षमा नरही अदालतलाई कानूनी राय दिने छन् । एमिकस क्युरीको रायपछि फैसला आउने जनाइएको छ ।
यसअघि आइतवार र सोमवार रिट निवेदकका तर्फबाट जवाफी बहस गरिएको छ । संसद विघटनको मुद्दा सर्वोच्च अदालतमा प्रधानन्यायाधीश चोलेन्द्रशम्शेर जबरा, न्यायाधीशहरू विश्वम्भरप्रसाद श्रेष्ठ, अनिलकुमार सिन्हा, सपना प्रधान मल्ल र तेजबहादुर केसी सम्मिलित संवैधानिक इजलासमा सुनुवाइ भइरहेको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४