काठमाडौं – राष्ट्रपति विद्यादेवी भण्डारीविरुद्ध बोलेको आरोपमा पक्राउ परेकी नेकपा प्रचण्ड–नेपाल पक्षकी नेतृ रामकुमारी झाँक्रीलाई प्रहरीले लिखित कागजमा हस्ताक्षर गराएर मात्रै छाडेको रहस्य खुलेको छ ।

राष्ट्रपति भण्डारीविरुद्ध अमर्यादित अभिव्यक्ति दिएको आरोपमा पक्राउ परेकी झाँक्री बिहीबार दिउँसो पक्राउ परेर साँझ रिहा भएकी छन् ।

महानगरीय अपराध महाशाखाबाट खटिएको प्रहरी टोलीले बिहीवार दिउँसो १ बजे शंखमूलस्थित निवासबाट झाँक्रीलाई पक्राउ गरेको थियो ।

‘संवैधानिक राष्ट्रपतिप्रति मेरो सम्मान रहेको छ, हिजो, आज र भोलि पनि उत्तिकै रहनेछ । संविधानमा भएको व्यवस्थाअनुसार अभिव्यक्ति स्वतन्त्रता र राजनीतिक स्वतन्त्रताको हकको उपयोग गरेकी हुँ’ भन्ने लिखित कागजमा हस्ताक्षर गराएपछि मात्रै प्रहरीले उनलाई छाडेको हो ।

राष्ट्रपतिविरुद्ध बोलेको आरोपमा पक्राउ गरिएपनि उनले राष्ट्रपतिप्रति सम्मान छ भन्ने लिखित कागज गरेकी छन् । नेतृ झाँक्रीलाई उनका श्रीमान पशुपति पुरीको जिम्मा लगाइएको छ ।

प्रहरी हिरासतबाट रिहा भएपछि नेपाल कम्युनिस्ट पार्टी (नेकपा) नेत्री रामकुमारी झाँक्रीले जनस्तरमा चर्काे दबाबका उत्पन्न भएपछि आफूलाई छाडिएको बताएकी थिइन् ।

झाँक्री प्रहरी नियन्त्रणमै रहेका बेला रिहाइको माग गर्दै आन्दोलनरत नेकपा समर्थक र प्रहरीबीच काठमाडौंको बानेश्वरमा कुटाकुट समेत भएको छ । प्रदर्शनमा केही व्यक्ति घाइते भएका छन् । घाइतेहरूको बानेश्वरस्थित सिभिल अस्पतालमा उपचार भइरहेको छ ।

प्रहरीसँगको झडपमा नेकपा प्रचण्ड–नेपाल पक्षका ८ जना कार्यकर्ता घाइते भएका जनाइएको छ । माइतीघर मण्डलाबाट सुरू भएको झाँक्री समर्थकको जुलुस नाराबाजी गर्दै नयाँबानेश्वर पुगेको जुलुस कोणसभामा परिणत भएको थियो । कोणसभा सकिएपछि प्रहरीसँग झडप भएको हो ।

राष्ट्रपति विद्यादेवी भण्डारी, प्रधानमन्त्री केपी शर्मा ओली र गृहमन्त्री रामबहादुर थापा ‘बादल’विरुद्ध चर्का नाराबाजी गर्दै प्रचण्ड–नेपाल पक्षको अनेरास्ववियूका नेता/कार्यकर्ता नयाँबानेश्वर पुगेका थिए । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

रामकुमारी झाँक्रीले ओलीलाई भनिन् ‘महाराज’

केपी–विद्याबाट रामकुमारी झाक्रीलाई खतरा ! ‘म जतिबेला पनि मारिन सक्छु’

केपी ओलीलाई भ्रष्टाचारीको संरक्षक भन्दै यी नेकपाकी महिला नेत्रीले दिइन् दनक

गृहमन्त्री बादलको कडा निर्देशनकै भरमा रामकुमारी झाँक्रीलाई पक्राउ गर्न सक्छ प्रहरी ?

प्रहरीले पक्राउ गर्न खोजेपछि रामकुमारी झाँक्रीले दिइन् यस्तो प्रतिक्रिया, गलतविरुद्ध बोल्न नछाड्ने !

चिच्याइ–चिच्याइ बोलिन् रामकुमारी झाँक्री, ‘सन्की ओलीको प्याधा बन्ने महिलाविरुद्ध बोल्न पाइन्छ’