काठमाडौं – कम्युनिस्ट प्रधानमन्त्री केपी शर्मा ओलीले सबैजसो भाषणमा विघटित प्रतिनिधिसभा पुनर्स्थापना नहुने र बैशाखमा चुनाव भएरै छाड्ने बताउने गरेका छन् ।

तर संसद विघटनको मुद्दा सर्वाेच्च अदालतमा विचाराधीन छ । रिट निवेदकहरूले संसद पुनर्स्थापनाको माग गरेका छन् ।

यस्तो बेला प्रधानमन्त्री ओलीको बोलीले अदालत प्रभावित हुने पो हो कि भनेर सर्वत्र चासो छ ।

तर सर्वाेच्च अदालतका प्रधानन्यायाधीश चोलेन्द्र शमशेर राणाले संसद विघटनका विषयमा दलहरूले गरिरहेका गतिविधिबाट अदालत प्रभावित नहुने जवाफ दिएका छन् ।

संसद विघटनविरुद्धको मुद्दामा बुधवार सुनुवाइका क्रममा रिट निवेदकले उठाएको प्रश्नमा प्रधानन्यायाधीश राणाले बाहिरको कुराले अदालत प्रभावित नहुने बताए ।

रिट निवेदक कञ्चनकृष्ण न्यौपानेले प्रधानमन्त्री केपी शर्मा ओलीले सार्वजनिक रूपमा संसद पुनर्स्थापना नहुने भनिरहेका बताए ।

‘कार्यपालिका प्रमुखले शक्ति पृथकीकरणको सिद्धान्त विपरीत बोल्न हुँदैन । उहाँले अदालतको कार्यक्षेत्रमा हस्तक्षेप गरिरहनुभएको छ,’ न्यौपानेले इजलासमा भने ।

न्यौपानेलाई रोक्दै प्रधानन्यायाधीश राणाले भने, ‘बाहिरको कुराले तपाईं प्रभावित हुनुहुन्छ ? हुनुहुन्न भने हामी पनि हुन्नौं ।’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

केपी र विद्याको कदमबारे सर्वाेच्च अदालतले दिइएको ५ बुँदे आदेशमा के छ ? (पूर्णपाठ)

प्रचण्ड–माधवले मात्रै होइन ओलीलाई सर्वाेच्च अदालतले पनि दपेट्यो

सरकारविरुद्धको मुद्दा सर्वाेच्चले किन राख्यो हेर्न नभ्याइनेमा ?

ओली सरकारका नयाँ मन्त्रीबारे सर्वाेच्च अदालतबाट यस्तो आदेश

केपी ओलीसँग ‘स्वार्थ’ बाझिने न्यायाधीश नै सर्वाेच्चको इजलाशमा बसेपछि ...

सर्वाेच्च अदालतका न्यायाधीशको यस्तो कुरा सुनेपछि महिला वरिष्ठ अधिवक्ताको आपत्ति