संसदमा आज बामदेव गौतमको पालो तोकियो !

मिडिया डबली

बिहिवार, पौष २३ २०७७

4.5K

काठमाडौं – कम्युनिस्ट प्रधानमन्त्री केपी शर्मा ओली नेतृत्वको सरकारको सिफारिसमा राष्ट्रपति विद्यादेवी भण्डारीबाट मनोनित राष्ट्रियसभा सदस्य बामदेव गौतमले पहिलोपटक राष्ट्रिय सभाको सातौं अधिवेशनअन्तर्गत आज बिहीबारको बैठकमा बोल्ने पालो पाएका छन् ।

बिहीबारको बैठकमा नेकपा उपाध्यक्ष समेत रहेका राष्ट्रियसभा सदस्य बामदेव गौतम लगायतले सम्बोधन गर्ने कार्यसूची तोकिएको छ ।

गौतम राष्ट्रियसभा सदस्यमा मनोनित भएपछि आज बिहीबार पहिलोपटक सम्बोधन गर्न लागेका छन् ।

यसअघि पुस १७ गते बसेको बैठकमा राष्ट्रिय सभामा प्रतिनिधित्व गर्ने दलका नेताहरुले बैठकलाई सम्बोधन गरेका थिए ।

आज बिहीबार गौतमबाहेक नेकपा संसदीय दलका प्रमुख सचेतक खिमलाल भट्टराई, सदस्य रामनारायण बिडारी लगायतले सम्बोधन गर्ने कार्यसूची रहेको संघीय संसद् सचिवालयले जानकारी दिएको छ ।

सरकारले प्रतिनिधिसभा संसद विघटन गरेर बैशाख १७ र २७ गते निर्वाचन घोषणा गरेपनि राष्ट्रियसभा अधिवेशन चलिरहेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि