काठमाडौं – नेकपाभित्रको विवाद बढेर राष्ट्रपति विद्यादेवी भण्डारीले संसद विघटन गरेपछि मन्त्री पदबाट राजीनामा नदिएका गृहमन्त्री रामबहादुर थापा ‘बादल’ प्रधानमन्त्री केपी शर्मा ओलीको पक्षमा रहेका धेरैले अनुमान लगाए ।

तर सोमबार बिहान ओलीले बालुवाटारमा आफूपक्षीय सांसदलाई बोलाउँदा बादल त्यहाँ गएनन् । बरु पूर्व माओवादी पक्षकै अर्का उद्योगमन्त्री लेखराज भट्ट बालुवाटार गएका छन् ।

गृहमन्त्री समेत रहेका नेकपा सचिवालय सदस्य बादलले भने मन्त्री क्वार्टर पुल्चोकमै आफूनिकटका नेताहरूसँग छलफल गरेर छुट्टै तयारीमा लागेका छन् । सोमबार बादलले पुल्चोकस्थित मन्त्री क्वार्टरमा आफूनिकट केन्द्रीय सदस्यलाई बोलाएर छलफल गरेका छन् ।

बादलनिकट एक नेताले नेकपाका ३ दर्जनजति केन्द्रीय सदस्य भेला भएर छलफल गरिएको जानकारी दिए । प्रधानमन्त्री ओलीले बालुवाटारमा बोलाएको छलफलमा बादल सहभागी नभएपछि सबैले चासो लिएका छन् ।

आईतबार सरकारको सिफारिसमा राष्ट्रपति विद्यादेवी भण्डारीले संसद विघटन गरेपछि नेकपाको राजनीति संकटमा परेको छ । बादलले एक्लै ओलीतिर लाग्दा आफ्ना गुटका अरु अध्यक्ष पुष्पकमल दाहाल ‘प्रचण्ड’तिर जाने सम्भावना रहेकाले बादलले छुट्टै भेला गरेर छलफल गरेको जनाइएको छ ।

बादल पक्षकै पम्फा भुसाल र देव गुरुङ लगायतका प्रभावशाली नेताहरू ओलीको खरो विरोधमा रहेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

गृहमन्त्री थापाका स्वकीय सचिवको गाडीले स्कूटरलाई दियो ठक्कर, कस्तो छ अबस्था ?

प्रचण्डसँगको टसल बादललाई पर्ने भो भारी, गृहमन्त्रीको कुर्सी संकटमा

गृहमन्त्री बादलकै कारण मन्त्रिपरिषद् पुनर्गठनमा ढिलाइ, यसरी परे ओली र प्रचण्डको तानातानमा

कांग्रेसका भक्तपुर जिल्ला सभापतिलाई पितृशोक, कांग्रेसद्धारा दुख व्यक्त

 युरोपेली संघलाई गृहमन्त्रीको यस्तो आग्रह

जनता सरकार खोज्दै, सरकार भिटेन खोज्दै