पूर्वमन्त्री गोकुल बाँस्कोटासामु स्विस सेक्युरिटी प्रेस छपाइ कम्पनीको एजेण्ट भएर रकमको सौदाबाजी गर्न पुगेका विजय मिश्रसँग सम्बन्धित सबुतलाई अख्तियारले आफ्नै घर्रामा राखेको छ ।

हल्ला भएजस्तो, गोकुललाई चोख्याउन रातारात फाइल अगाडि बढाइँदै गरेको कुरा सत्य नभएको अख्तियार स्रोतले बतायो । तयारी थियो उक्त अडियोलाई नेपाल प्रहरीको विधि विज्ञान प्रयोगशालामा पठाएर विश्वसनीयता प्रमाणित गराउने ।

तर, यो पंक्ति लेखिरहँदासम्म अडियो अख्तियारमै छ । अख्तियारले विजय मिश्रलाई बयानका लागि बोलाउँदा उनले जुन मोबाइल सेटमा गोकुलसँगको संवाद रेकर्ड गराएका थिए, त्यो बुझाएका छन् ।

गोकुल र विजयबीच बाहिर सार्वजनिक भएजतिमात्र संवाद भएको हो ? वा त्योभन्दा फरक वा बढी केही कुरा भएका छन् कि ? वा, संवाद नै बनावटी (क्यारिकेचर गरिएको) हो ? यस्ता कोणबाट अख्तियारले छानवीन गर्ने तयारी थालेको हो । अडियोको त्यस्तो परीक्षणपछि बल्ल वास्तविकता सार्वजनिक गर्ने तयारी रहेको स्रोतले जनायो ।

उता, पोलिमर नोट प्रकरणमा अनियमितता भएको भनी अख्तियारमा चलेको मुद्दा नौ वर्षपछि टुंगोमा पुगेको छ । विशेष अदालतबाट भएको आदेशउपर पुनरावेदन नगर्ने निर्णयसँगै यो प्रकरणको किनारा लागेको हो ।

राष्ट्र बैंकका तत्कालिन गभर्नर डा. तिलक रावल, नोट विभागका प्रमुख उपेन्द्रकेशरी पौड्याल र अष्ट्रेलियाको मे फ्लावर लिमिटेडका स्थानीय एजेण्ट हिमालयबहादुर पाँडेले जनही ९१ लाख ९ हजार ८ सय ८९ रुपैयाँ भ्रष्टाचार गरेको भनी ०६८ सालदेखि अख्तियारमा मुद्दा थियो । १० रुपैयाँका पोलिमर नोट छपाई प्रकरणसँग यो मुद्दा सम्बन्धित थियो ।

उनीहरुलाई ६ वर्षसम्म कैद र ९१ लाख ९ हजार ८ सय ८९ रुपैयाँ नै जरिवाना तिराउनुपर्ने मागदाबी थियो । डा। रावलसहितका प्रतिवादीले नोट छपाउन दिँदा राष्ट्र बैंकलाई अस्वाभाविक मूल्य तिराएर हानी पुर्याएको आरोप थियो ।

अष्ट्रेलिया सरकारले मे फ्लावर लिमिटेड नामक कम्पनीका मानिसहरुलाई यही प्रकरणमा मुद्दा चलायो । थुन्यो । र, पछि अनियमितता नभएको ठहरसहित उनीहरुलाई क्षतिपूर्ति दिएर मुक्त गरायो ।

मुद्रक कम्पनीले नै सफाई पाइसकेपछि यताबाट काम दिने पक्षले अनियमितता गर्यो भन्ने कुराको पुष्ट्याइँ नहुने भनी विशेष अदालतले फैसला गरेको थियो । तर, त्यसउपर सर्वोच्चमा पुनरावेदन गर्नुपर्ने एकथरि सरकारी वकिलको राय, अर्काथरिको चाहिँ विदेशको अदालतले निर्दोषिता प्रमाणित गरिसकेपछि फेरि यताबाट किन दुःख दिने भन्ने तर्क ।

अन्ततः अख्तियार पुनरावेदनमा नजाने भर्खरै टुंगो लागेको छ । त्यस्तै, अहिले अख्तियारको हिरासतमा पाँचदेखि आठ हजार घुसकाण्डका केही बाहेक ठुल्ठूला मुद्दाका थुनुवा छैनन् । उता, स्टिङ अपरेशनमा बद्नाम भएको अख्तियारलाई त्यस्तो काम रोकियोस् भनी दायर मुद्दाउपर जवाफ पेश भएको छ ।

उसले भ्रष्टाचारीलाई आफैँ खोज्न जाने नभई सेवाग्राहीको उजुरी आएपछि अनुसन्धान थालिने बताएको छ । रिट हाल्नेहरुले पैसा देखाएर लिऊँलिऊँ बनाएपछि फन्दामा पारिन्छ भन्ने आरोप लगाएका छन् तर अख्तियारले भनेको छ, अनुसन्धानबाट ऊ भ्रष्टाचारी हो भन्ने खुलेपछि सबुत बरामदका क्रममा मात्रै त्यस्तो गरिन्छ । अर्थात्, पाँच लाख घूस मागिन्छ । त्यही पैसा बरामद भयो भने दिनेलाई मर्का पर्ने भयो ।

किनभने, मुद्दा चलुञ्जेल त्यो पैसा पीडितको हातमा पर्दैन । त्यसमाथि अदालत सेटिङ गरेर आरोपीले मुद्दा जिते भने पैसा फर्किंदैन । त्यसैले अख्तियारले पैसा बोकेर हिँड्नु पर्ने बाध्यता अदालतसमक्ष पेश गरिएको छ ।

स्टिङ अपरेशन हुनुअघि दुईबीच कुराकानी हुन्छ । त्यसलाई अख्तियारले आफ्नै कार्यालयमा जडित प्रणालीबाट रेकर्ड गर्छ वा पीडितलाई मोबाइलमा रेकर्ड गर्न लगाइन्छ ।

केही दिनदेखि पीडकको गतिविधि अध्ययन भएको हुन्छ । मामुली घटनामा उजुर गर्न जाने सेवाग्राहीलाई फोन रेकर्ड गर भनिएको हुन्छ । – जनआस्थाबाट

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

ओलीको बचावमा बोले बाँस्कोटा, भन्छन् - प्रधानमन्त्रीमाथि नियोजित श्रृखलावद्ध हमला

नेकपाको बिबाद लेनदेनमा मिल्ने गोकुल बास्कोटाको ठोकुवा

ओलीका विश्वासपात्रले भने - सचिवालयबाट बुढालाई बिदा गरौं‍

गोकुल बास्कोटालाई यसरि मन्त्रि बनाउदै ओली, बुटवलबाट भयो पर्दाफास

'नेकपा भित्रैका नेताले अर्का पार्टीका ‘खेताला’ लगाए, सिधै भन्नुपर्छ अब मिल्न सकिएन'

गोकुल बास्कोटामार्फत अघि सारे ओलीले संविधान संशोधन गर्नुपर्ने एजेन्डा