काठमाडौं  - प्रथम राष्ट्रपति डा.रामवरण यादवले नेपाली कांग्रेसको १२औं महाधिवेशनका क्रममा सुशील कोइरालालाई सभापतिमा जिताउन धनुषाका महाधिवेशन प्रतिनिधिलाई शीतल निवासमा दहीचिउरा खुवाएको विषयले निकै हंगामा भयो ।

यो विषयमा कांग्रेसका नेताहरुले आपत्ति जनाएपछि त्यसपछि यादवले खुलेर कहिल्यै पनि अर्को पक्षको तावेदारी गरेनन् । कांग्रेसमा विवाद देखिए पनि उनले हस्तक्षेप गरेनन् । तर, वर्तमान राष्ट्रपति विद्यादेवी भण्डारी भने सधैं पार्टी राजनीतिमा हस्तक्षेप गरिरहेकी छन् ।

तत्कालीन एमाले र सो पार्टीको सरकारका बेला पनि भण्डारीले माधव नेपाल समूहलाई पेल्ने, केपी ओली समूहलाई संरक्षण गर्दै आएकी थिइन् । एमाले र माओवादी एकतापछि गठन भएको नेकपामा पनि भण्डारीले सिधै हस्तक्षेप गर्दै आएकी छन् ।

त्यो पनि केपी ओलीको प्रधानमन्त्री र पार्टी अध्यक्षको पद जोगाउन । अरु विषयमा उनले कहिल्यै चासो देखाएकी छैनन् । भण्डारी संवैधानिक राष्ट्रपति हुन् । उनले देश र जनताको विषयमा मात्र सोच्नुपर्ने हो । तर, जबजब प्रधानमन्त्री ओलीको कुर्सी धर्मर हुन्छ, तबतब भण्डारी मैदानमै उत्रिने गरेकी छन् । नेकपामा अर्को पक्षका नेतालाई बोलाउने, धम्काउने, प्रलोभन दिने, आश्वासन दिने काम गर्दै आएकी छन् ।

भण्डारीको यस्तो क्रियाकलापका कारण अहिले नेकपामा उनलाई महाअभियोग लगाउनुपर्ने आवाज पनि जबर्जस्त रुपमा उठ्न थालेको छ ।

उनी नेकपामै सबैकी राष्ट्रपति बन्न सकेकी छैनन् । राष्ट्रपति पद भनेको अभिभावक हो । तर, भण्डारी नेकपामा ओली गुटको अभिभावक मात्र बनेकी छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नेकपा विवादमा राष्ट्रपति सक्रिय भएपछि भीम रावल आक्रोशित, दिए यस्तो चेतावनी

आफ्नो चौतर्फी आलोचना हुन थालेपछि कांग्रेस महिला नेतृसँग राष्ट्रपति भण्डारीको रोदन

विदेशीसँग कोभिडविरुद्धको खोप भीख माग्न थालेपछि राष्ट्रपति भण्डारी तानिइन् विवादमा