गगनकुमार थापा नेतृत्वको नेपाली कांग्रेसका महामन्त्री गुरुराज घिमिरेले निर्वाचन आयोगबाट आफूहरूले आधिकारिकता पाएलगत्तै पार्टी मुख्यालय सानेपा जाने बताएका छन् ।

पुस २७ देखि ३० सम्म चलेको विशेष महाधिवेशनबाट निर्वाचित नयाँ कार्यसमितिको बैठकपछि बिहीबार प्रतिक्रिया दिँदै घिमिरेले निर्वाचन आयोगबाट आधिकारिकताको पत्र लिएर सानेपा जाने बताएका हुन् । 'आज निर्वाचन आयोग जान्छौं ।

निर्वाचन आयोगले हामीलाई चाँडोभन्दा चाँडो त्यो कागज (पार्टीको आधिकारिकतासम्बन्धी) दिन्छ, अनि हामी सानेपा जान्छौं,' घिमिरेले भने ।

बुधबार मध्यरातमा सम्पन्न विशेष महाधिवेशनले गगनको नेतृत्वमा नयाँ कार्यसमिति चयन गरेको थियो । बिहीबार बैठक बसेर आधिकारिकता दाबीका लागि निर्वाचन आयोग जाने निर्णय भएको हो ।

हलबाट पारित विधान, चुनावी प्रयोजनको हस्ताक्षर बदल्ने र समानुपातिक सूची अध्यावधिक गर्ने निवेदन, विशेष महाधिवेशनबाट निर्वाचित पदाधिकारी तथा केन्द्रीय सदस्यहरूको लिस्ट निर्वाचन आयोगमा बुझाउने तयारी भएको नवनिर्वाचित कार्यसमितिका एक सदस्यले जानकारी दिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।