ल्हासा– चीनका राष्ट्रपति सी चिनफिङको हालै सम्पन्न तिब्बत भ्रमणले फेरि एक पटक तिब्बतको स्वायत्तताको प्रश्नलाई चर्काएको छ। भ्रमणको क्रममा चिनियाँ नेतृत्वले “राष्ट्रिय एकता” को सन्देश दिन खोजे पनि अन्तर्राष्ट्रिय विश्लेषकहरूले यसलाई तिब्बती असन्तोषलाई दबाउने दीर्घकालीन योजनाको निरन्तरता भनेका छन्। तिब्बतमा अभिव्यक्ति स्वतन्त्रता क्रमशः संकुचित हुँदै गएको छ।

“तिब्बतन रिभ्यू” को प्रतिवेदन अनुसार, चिनियाँ सरकारले इन्टरनेट र सामाजिक सञ्जाललाई कठोर रूपमा नियन्त्रण गर्दै “भर्चुअल मौन” को अवस्था सिर्जना गरेको छ। यसले तिब्बती युवाहरूलाई विश्वसँग स्वतन्त्र रूपमा सम्पर्क राख्ने अधिकार खोसिएको आरोप लागेको छ। यसैबीच, अन्तर्राष्ट्रिय थिङ्क–ट्याङ्क ओरकासियाले सी चिनफिङको तिब्बत भ्रमणबारे टिप्पणी गर्दै यसलाई “राजनीतिक प्रदर्शन” भन्दा बढी केही नभएको मूल्यांकन गरेको छ।

भ्रमणले तिब्बती जनताका मौलिक अधिकारलाई सम्बोधन नगरी केवल प्रचार–प्रसारमा जोड दिएको उल्लेख गरिएको छ। तिब्बत बाहिर निर्वासित कलाकार र कार्यकर्तामाथि पनि चिनियाँ दबाब देखिएको छ।

“फायुल” मा प्रकाशित रिपोर्टअनुसार चीनले प्रवासी कलाकारमाथि ट्रान्सनेशनल रेप्रेशन (विदेशमै दमन) को अभ्यास गर्दै आएको छ। यसका साथै, “मोरुङ एक्सप्रेस” को अनुसन्धानले तिब्बती समुदायलाई लक्षित गरी व्यापक मात्रामा “प्रोपागान्डा मीम्स” फैलाइएको तथ्य उजागर गरेको छ।

अन्तर्राष्ट्रिय मानवअधिकार संस्थाहरूले यी गतिविधिलाई चीनले तिब्बती संस्कृतिलाई कमजोर बनाउन र आवाज दवाउन अपनाएको योजनाबद्ध नीति भनेका छन्। उनीहरूले संयुक्त राष्ट्रसंघ लगायतका अन्तर्राष्ट्रिय निकायहरूलाई तुरुन्तै ध्यानाकर्षण गर्न आह्वान गरेका छन्।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।