काठमाडौँ । प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच मंगलबार भएको भेटवार्तापछि आजै साँझ मन्त्रिपरिषद् बैठक बोलाइएको छ। दुई शीर्ष नेताबीच करिब एक घण्टा लामो छलफलपछि प्रधानमन्त्री ओलीले गभर्नर नियुक्तिसम्बन्धी निर्णय गर्न मन्त्रिपरिषद् बैठक आह्वान गरेका हुन्।

यसअघि गभर्नर नियुक्तिमा दलहरूबीच सहमति नजुटेपछि सोमबारका लागि तय गरिएको मन्त्रिपरिषद् बैठक स्थगित गरिएको थियो। ओली र देउवाबीच त्यतिबेलै भेटवार्ता हुने भनिए पनि त्यो सम्भव हुन सकेको थिएन। तर आज अन्ततः उनीहरूबीच छलफल सम्पन्न भएपछि निर्णय प्रक्रिया अघि बढाइएको हो।

प्रधानमन्त्रीको सरकारी निवास बालुवाटारमा आज साँझ ५ बजे मन्त्रिपरिषद् बैठक बस्ने तय गरिएको एक मन्त्रीले जानकारी दिएका छन्। आजको बैठकले राष्ट्र बैंकको गभर्नर नियुक्ति लगायतका विषयमा निर्णय लिने अपेक्षा गरिएको छ, जसले पछिल्लो समय जारी रहेको अन्योलता अन्त्य गर्ने सम्भावना छ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।