काठमाडौं । भारत सरकारले पाकिस्तानबाट आउने सम्पूर्ण सामानहरूमा पूर्ण रूपमा प्रतिबन्ध लगाएको छ । भारतको वाणिज्य मन्त्रालयले पाकिस्तानबाट आयात पूर्ण रूपमा प्रतिबन्ध लगाइएको जनाएको हो । 

पहिले प्रत्यक्ष व्यापारमा प्रतिबन्ध लगाएको भारतलेअब भने अप्रत्यक्ष आयातमा पनि प्रतिबन्ध लगाएको भारतीय सञ्चार माध्यमहरुले उल्लेख गरेका छन् । 

समाचारहरुमा यो प्रतिबन्ध पाकिस्तानको लागि गहिरो प्रहार भएको पनि उल्लेख गरिएको छ ।  भारतको वाणिज्य मन्त्रालयले भारतबाट आयात वा निर्यात नगरिने उत्पादनहरूको सूची तयार गरिरहेको पनि स्रोतले जनाएको छ । 

वाणिज्य मन्त्रालयले जारी गरेको सूचना अनुसार भारतले पाकिस्तानबाट हुने सबै सामानको प्रत्यक्ष वा अप्रत्यक्ष आयातमा तत्काल प्रतिबन्ध लगाएको र यस सम्बन्धमा एउटा प्रावधान विदेश व्यापार नीति (एफटीपी) २०२३ मा थपिएको जनाएको छ ।

प्रावधानमा अर्को आदेश नभएसम्म तत्काल पाकिस्तानमा आउने वा निर्यात हुने सबै सामानहरूको प्रत्यक्ष वा अप्रत्यक्ष आयातमा प्रतिबन्ध लगाइएको भनिएको छ । 

यो जानकारी मे २ को सूचनामा दिइएको छ।  

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।