काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ बिहीबार रूपन्देहीमा हुने कार्यक्रममा सहभागी हुँदैछन्।

माओवादी केन्द्रले सञ्चालन गरिररहेको जनतासँग माओवादी तराई-मधेश हुलाकी मार्ग अभियानअन्तर्गत प्रचण्डसहित माओवादी केन्द्रका नेताहरू बुधबार साँझ नै रूपन्देही पुगेका हुन्।

उनी बिहान साढे ५ देखि साढे ८ बजेसम्म भैरहवाको मिलनचोकदेखि बुद्धचोकसम्म मर्निङ वाक र जनसंवादमा सहभागी भएका छन्।

बिहान ९ बजे पत्रकार सम्मेलन, १० बजे युवा, विद्यार्थी र वाईसीएललाई प्रशिक्षण, ११ देखि १२ बजेसम्म बुद्धिजीवी, व्यवसायी र नागरिक समाजसँग अन्तरक्रिया गर्ने कार्यक्रम पार्टीका रूपन्देही संयोजक नारायण जिसीले बताए। मध्याह्न १२ बजे शहीद परिवारसँग भेटघाट र भोजन गर्ने कार्यक्रम तय भएको छ।

दिउँसो २ बजे मर्चवारको मझगावामा आमसभामासम्बोधन गर्ने कार्यक्रम छ। दिउँसो ४ बजे जनतासँग माओवादी तराई-मधेश हुलाकी मार्ग अभियानको जिम्मा कपिलवस्तु जिल्ला समितिलाई हस्तान्तरण गर्ने कार्यक्रम छ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।