काठमाडौं– भारतको ऊर्जा भण्डारण क्षमता सन् २०३२ सम्म १२ गुणाले वृद्धि हुने निष्कर्षसहित एउटा प्रतिवेदन सार्वजनिक भएको छ ।

स्टेट बैंक अफ इण्डियाले सार्वजनिक गरेको प्रतिवेदनमा आर्थिक वर्ष सन् २०३२ सम्म भारतको ऊर्जा भण्डारण क्षमता १२ गुणाले वृद्धि भई ६० गिगावाट पुग्ने उल्लेख छ । यो भारतको नवीकरणीय ऊर्जा स्रोतको अपेक्षित वृद्धिभन्दा धेरै रहेको समाचार संस्था एएनआईले जनाएको छ ।

सन् २०२० मा भारतमा भण्डारण क्षमतासहितका नवीकरणीय ऊर्जा स्रोत ५ प्रतिशत रहेकोमा सन् २०२४ मा त्यो बढेर २३ प्रतिशत पुगेको छ । ब्याट्री ऊर्जा भण्डारण प्रणाली र पम्प भण्डारण परियोजनाले ऊर्जा भण्डारण बजारको महत्त्वपूर्ण हिस्सा ओगट्ने अपेक्षा गरिएको छ ।

सन् २०३२ सम्म ब्याट्री ऊर्जा भण्डारण प्रणालीको क्षमता ३ सय ७५ प्रतिशतले वृद्धि भई ४२ गिगावाट पुग्ने छ भने पम्प भण्डारण परियोजनाको क्षमता ४ गुणाले बढेर १९ गिगावाट पुग्ने छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।