काठमाडौं - माघे संक्रान्तिको अवसरमा राष्ट्रपति रामचन्द्र पौडेलले शीतल निवासमा भोजको आयोजना गरेका छन् ।

माघी पर्वका अवसरमा शुभकामना आदान–प्रदान गर्न राष्ट्रपति पौडेलले संसदमा प्रतिनिधित्व गर्ने सबै दलका संसदीय दलका नेताहरूलाई शीतल निवासमा आमन्त्रण गरेका हुन् । बिहानको खाना खाने गरी नेताहरूलाई डाकिएको हो ।

आज माघे सङ्क्रान्ति पर्व देशभर मनाइँदै छ । माघे सङ्क्रान्तिका दिन देवघाट, त्रिशूली, कालीगण्डकी, वाग्मती, इन्द्रावती, त्रिवेणी, रिडीलगायतका स्थानमा माघ स्नान गर्न भक्तजनको भीड लाग्ने गर्छ ।

माघ १ गतेदेखि सूर्य उत्तरायण हुने भएकाले दिनभन्दा रात छोटा हुँदै जान्छ । सूर्य धनु राशिबाट मकर राशिमा प्रवेश गर्ने भएकाले माघ १ गतेलाई मकर संक्रान्तिसमेत भनिन्छ ।

धर्मसिन्धुमा माघे संक्रान्तिको दिन घ्यू, चाकु, तिलका परिकार, खिचडी नखाने, दान नगर्ने, जलाशयमा गई स्नान नगर्ने, ध्यान नगर्ने व्यक्ति जीवनभर रोगी हुने मान्यता छ । सरकारले माघी पर्वको अवसरमा सार्वजनिक बिदासमेत दिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

शीतल निवासबाटै राजनीति, अर्को पार्टी सञ्चालनको तयारीमा ओली र पोखरेल

समानान्तर शक्ति अभ्यासमा शीतल निवास, द्वैध शासनको खतरा

टिचिङ अस्पतालमा हवाई दुर्घटनामा मृत्यु भएकाको शवको खात, शीतल निवासमा मन्त्रीहरूको शपथ

शीतल निवासले फेरि हाल्यो भुङ्ग्रोमा हात

कर्णालीवासी भूकम्पको आहतमा, शीतल निवासमा विदेश यात्राको रमझममा