काठमाडौं- इन्टरनेट प्रदायक संस्था सुविसुले भूकम्प प्रभावित क्षेत्रमा सोलार लाइट र ब्याकअप प्याकेज वितरण गरेको छ। 

सुविसुले सामाजिक उत्तरदायित्व अन्तर्गत जाजरकोटको वडा नम्बर ५ को नलगाडमा रहेको इन्द्रधनुष प्राथमिक विद्यालयका विद्यार्थीहरुलाई पठनपाठनमा सहज होस् भन्‍नका लागि २०० थान सोलार लाइटिङ र ब्याकअप प्याकेज बक्स उपलब्ध गराएको जनाइएको छ। 

सुविसुको टिम प्रभावित क्षेत्रमा पुग्दा भूकम्पले निकै ठूलो क्षति गरेको देखेको विज्ञप्तिमार्फत जनाइएको छ। आफ्नो २३ औं वार्षिकोत्सवको अवसरमा, सुबिसुले खाँचोमा परेकाहरूलाई सहयोग गर्ने निर्णय गरेको थियो। 

जस अनुसार नोभेम्बर ३ मा गएको ६.४ रेक्टर स्केलको भूकम्पले धेरैको जनजीवनमा गहिरो प्रभाव पारेको क्षेत्रमा सहयोग गरेको हो।

भूकम्पका कारण बिजुली प्रभावित हुँदा विद्यार्थीहरूलाई साँझमा अध्ययन गर्ने माध्यमहरू उपलब्ध गराएर तिनीहरूलाई चुनौतीहरू पार गर्न र उज्ज्वल भविष्य निर्माण गर्न सशक्त बनाउने लक्ष्यमा सहयोग गरेको सुविसुले जनाएको छ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।