इस्लामावाद - पाकिस्तानको बलुचिस्तानस्थित तुर्बत नसीराबाद क्षेत्रमा रहेको एक प्रहरी चौकीमा भएको आतंककारी हमलामा चार मजदुर र एक प्रहरीसहित पाँच जनाको मृत्यु भएको छ।

केही अज्ञात आक्रमणकारीले प्रहरी चौकीमा आक्रमण गरेको अधिकारीहरूले बताएका छन्।

एक अधिकारीका अनुसार मजदुरहरू पञ्जाबका थिए र उनीहरूलाई मोहम्मद उजैर, बकर अली, शहबाज अहमद र शहजाद अहमदको रूपमा पहिचान गरिएको जियो न्यूजले रिपोर्ट गरेको छ।

मृतकको शव शिक्षण अस्पताल तुर्बात लगिएको छ। साथै झडपका क्रममा एक मजदुर पनि घाइते भएको जियो न्यूजले जनाएको छ ।

पाकिस्तानका कार्यवाहक सूचना मन्त्री जान अचकजाईले गोलीबारीलाई आतंकवादी घटना भएको पुष्टि गर्दै निहत्था मजदुरमाथिको आक्रमणको निन्दा गरेका छन्।

यसैबीच, अन्तरिम मुख्यमन्त्री अली मर्दान खान डोम्कीले गृह तथा जनजाति मामिला मन्त्रालयबाट प्रतिवेदन मागेका छन्। जियो न्यूजका अनुसार उनले आक्रमणका दोषीहरूलाई जवाफदेही बनाउने वाचा गरे।

रिपोर्ट अनुसार, यो महिना तुर्बातमा भएको यो दोस्रो घटना हो, जहाँ विशेष गरी पञ्जाबका मजदुरहरूलाई निशाना बनाइएको थियो। यस महिनाको सुरुमा, कम्तिमा छ मजदुरहरू सुतिरहेको अवस्थामा मारिएका थिए र बन्दुकधारीहरूले तुर्बात सहरमा रातभरको आक्रमणमा उनीहरूलाई निशाना बनाएपछि दुई जना घाइते भएका थिए, जियो न्यूजले रिपोर्ट गरेको छ।

निर्माणाधीन घरमा सुतिरहेका मजदुरमाथि अज्ञात बन्दुकधारीले आक्रमण गरेको प्रहरीले जनाएको छ।

यसबाहेक, यस वर्षको सुरुमा, चकर आजम चोकमा एक महिला आत्मघाती आक्रमणकारीद्वारा प्रहरी भ्यानलाई लक्षित गरी बम विस्फोट हुँदा एक प्रहरी अधिकारीको मृत्यु भएको थियो र दुई जना घाइते भएका थिए, पाकिस्तानमा आधारित डनले रिपोर्ट गरेको छ।

केच वरिष्ठ पुलिस अधीक्षक (एसएसपी) मोहम्मद बलोचले भने कि आत्मघाती हमला बलुचिस्तानको तुर्बतमा भएको थियो र घाइते प्रहरी अधिकारीहरू मध्ये एक महिला थिए।

बलुचिस्तानका तत्कालीन मुख्यमन्त्री मीर अब्दुल कुदुस बिजेन्जोले विस्फोटको निन्दा गर्दै मृतक र घाइते प्रहरी अधिकारीहरूप्रति दुःख व्यक्त गरेका छन्। उनले उनीहरूका परिवारलाई पनि समवेदना प्रकट गरेको डनले रिपोर्छ गरेको छ। 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।