काठमाडौं - विद्युतीय चुरोट (भेप) मार्फत अवैध सुन तस्करीको अभियोगमा माओवादी उपाध्यक्ष कृष्णबहादुर महराका छोरा राहुल महरामाथि मुद्दा चलाउन प्रहरीको केन्द्रीय अनुसन्धान ब्युरो (सीआईबी) ले जिल्ला सरकारी वकिलको कार्यालयलाई राय दिएको छ ।

सीआईबीले राहुलसहित तिब्बती मूलका बेल्जियन नागरिक दावा छिरिङ र सुन तस्करीमा संलग्न चिनियाँ नागरिक दावाजिन वाङका सवारी चालक लोकेन्द्र पौडेलविरुद्ध संगठित अपराध र भन्सार चोरी निकासीको कसुरमा मुद्दा चलाउन रायसहितको प्रतिवेदन बुझाएको हो ।

६१ किलो सुन प्रकरणमा समेत संलग्न दावा छिरिङ हाल कारागारमा छन् । सुन ल्याउने चिनियाँ नागरिक दावाजिनसहित ६ चिनियाँलाई नेपालभित्र पक्राउ परेको बखत अनुसन्धान बमोजिम हुनेगरी खोजी सूचीमा राखिएको छ ।

भेप प्रकरणमा प्रतिवादी बनाइएकाविरुद्ध आठ करोड ५५ लाख २८ हजार रुपैयाँ बिगो कायम गरेर मुद्दा चलाउन राय दिइएको छ ।

२०७९ पुस १० मा दुबईबाट दावाजिन र अर्का एक चिनियाँ नागरिकको योजनामा भेपमा लुकाएर ९ किलो सुन भेटिएको थियो ।

भेपका रूपमा ल्याइएको वस्तु शंकास्पद देखिएपछि विमानस्थल भन्सार कार्यालयले नियन्त्रणमा लिएको थियो । त्यसपछि भेप छुटाउन पूर्वसभामुख महरा र उनका छोरा राहुलले समेत दबाब दिएका थिए । महरा बाबुछोराले समेत २५६ पटक फोन गरेर सुन छुटाउने प्रयास गरेका थिए ।

त्यही सुन भन्सारबाटै चोरी भएर सीआईबीले अनुसन्धान गरेको थियो । गत असार २७ मुद्दा दायर भए पनि सुन ल्याउने समूहमाथि अनुसन्धान भएको थिएन । पूर्वसभामुख महरालाई प्रहरीले बयान कागज गराएको छ ।

तर उनलाई मुख्य प्रतिवादी नबनाई उन्मुक्ति दिइएको छ । विभिन्न काण्ड गरेर विवादमा तानिएका महराले सबैमा उन्मुक्ति पाउँदै आएका छन् ।

प्रचण्डको नेतृत्वमा सरकार बनाउन ५० करोड माग गर्दै उनले चिनियाँ व्यापारीलाई फोन गरेको अडियो सार्वजनिक भएको थियो । तर तत्कालीन सरकारले उनलाई यो प्रकरणमा सोधपुछसमेत गरेन ।

संसद् सचिवालयकी एक महिलामाथि यौन काण्डको आरोपमा महराले सभामुख पद गुमाए । तीन महिना जेल बसे । तर अदालतबाट उनलाई सफाइ दिइयो ।

अहिले नौ केसी सुन तस्करी प्रकरणमा पनि महरालाई उन्मुक्ति दिइएको छ । बरु उनका छोरा राहुलको भने चिसो छिँडीको बास हुने भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

संसद्मा मनपरी, महरा र तिमिल्सिनाका मान्छेलाई ऐनविपरीत भत्ता

बलात्कार आरोपी महरालाई सप्रमाण चोख्याइयो, अब भ्रष्टाचार आरोपी बास्कोटालाई चोख्याइँदै

कृष्णबहादुर महराले चमत्कार गर्दा शंकर पोखरेललाई धक्का, बालुवाटारमा तनाव

कृष्णबहादुर महराको दैलोमा पुगिन् चिनियाँ राजदूत यान्छी

कृष्णबहादुर महरा नपुग्दै दाङमा बबन्डर, ओलीको ‘भित्रि डिजाइन’ खुलासा गर्दै भटाभट कारवाही

महिलासँग बात लाग्दा महरालाई जेल, बालिकाले आरोप लगाउँदा शेरधनलाई ओलीको रेड कार्पेट !