काठमाडौं - प्रमुख प्रतिपक्षी दल एमालेको मागबमोजिम सरकारले पूर्वन्यायाधीशको संयोजकत्वमा चार सदस्यीय उच्चस्तरीय छानबिन आयोग गठन गरिसकेको छ ।

सो आयोगलाई नौ किलो र ६० किलो सुन तस्करीको जाँचबुझ गर्नसमेत अधिकार दिइएको छ । आयोगले आफ्नो काम सुरु नगर्दै गृहमन्त्री नारायणकाजी श्रेष्ठको दबाबमा नेपाल प्रहरीको केन्द्रीय अनुसन्धान ब्युरो (सीआइबी) ले हतार हतार माओवादी उपाध्यक्ष उपाध्यक्ष कृष्णबहादुर महरासँग बयान कागज गराएको छ । सीआइबीले सोमबार महरालाई बोलाएर सोधपुछ गरेको हो ।

गृहमन्त्री श्रेष्ठले सुन तस्करीमा आफ्नै दलका नेता भए पनि नछाड्ने भाषण गर्थे, तर अहिले उनी पार्टीका नेता नै चोख्याउन प्रहरीलाई दबाब दिइरहेको बताइएको छ ।

विद्युतीय चुरोट (भेप) मा भएको नौ किलो सुन तस्करी प्रकरणमा प्रहरीले पूर्वसभामुखसमेत रहेका महरासँग सोधपुछ गर्दै बयान कागज गरेको छ । त्यो भनेको प्रतिवादी नबनाई अदालतमा मुद्दा दायर गर्न खोज्नु हो ।

जसरी बालुवाटारस्थित ललिता निवास जग्गा प्रकरणमा माधवकुमार नेपाल र बाबुराम भट्टराईलाई सीआइबीले बयान कागज गरेर उन्मुक्ति दिएको थियो, महरालाई पनि त्यसरी नै उन्मुक्ति दिन लागिएको हो । विद्युतीय चुरोटमा सुन ल्याउने चिनियाँ नागरिक लीसँग महराको निरन्तर फोन सम्पर्क देखिएको थियो ।

सुन तस्करीमा संलग्न चिनियाँसँग सम्बन्ध देखिएका महराकै छोरा राहुललाई सीआईबीले पक्राउ गरिसकेको छ । राहुलविरुद्ध मुद्दा दायर गर्नुअघि महराको सम्बन्धबारे सीआईबीले सोधपुछका लागि बोलाएको जनाएको छ ।

महराले भने दुवैबाट आएको विद्युतीय चुरोट विमानस्थलमा बरामद भएको र त्यसको लिलामी प्रक्रियाबारे जानकारी मात्रै लिएको दाबी गरेका छन् । गत पुसमा विद्युतीय चुरोटमा आएको नौ किलो सुन विमानस्थलबाट चोरिएको थियो । जसमा चिनियाँ नागरिक जोडिएका थिए । साथै, माओवादीका अधिकांश शीर्ष नेता सुनकाण्डमा मुछिएका छन् ।

सीआईबीले गरेको अनुसन्धानमा ब्रेक सुमा ६० किलो र विद्युतीय चुरोटमा नौ किलो सुन तस्करी गर्ने एउटै चिनियाँ समूह भएको निष्कर्षसहित मुद्दा दायर गरिसकेको छ । महरालाई चोख्याइने भएपछि सरकारले गठन गरेको उच्चस्तरीय छानबिन आयोगको गठन नौटंकी मात्रै हुने देखिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

संसद्मा मनपरी, महरा र तिमिल्सिनाका मान्छेलाई ऐनविपरीत भत्ता

बलात्कार आरोपी महरालाई सप्रमाण चोख्याइयो, अब भ्रष्टाचार आरोपी बास्कोटालाई चोख्याइँदै

कृष्णबहादुर महराले चमत्कार गर्दा शंकर पोखरेललाई धक्का, बालुवाटारमा तनाव

कृष्णबहादुर महराको दैलोमा पुगिन् चिनियाँ राजदूत यान्छी

कृष्णबहादुर महरा नपुग्दै दाङमा बबन्डर, ओलीको ‘भित्रि डिजाइन’ खुलासा गर्दै भटाभट कारवाही

महिलासँग बात लाग्दा महरालाई जेल, बालिकाले आरोप लगाउँदा शेरधनलाई ओलीको रेड कार्पेट !