काठमाडौं - विभिन्न समयमा त्रिभुवन अन्तर्राष्ट्रिय विमानस्थलबाट भएका सुन तस्करीकाबारे उच्चस्तरीय छानबिन समितिको माग गर्दै एमालेले २५ दिनभन्दा बढी संसद् अवरोध गरेको थियो ।

त्यसपछि संसद्‌मा राष्ट्रिय दलको हैसियतमा उपस्थित दलहरुको सहमतिमा असोज ६ गते छानबिन समिति बनाएर त्यही दिनबाट काम सुरु गर्ने सहमति भएको थियो ।

दलहरुको सहमतिअनुसार आइतबार समिति गठन गर्ने अन्तिम दिन हो । तर, प्रधानमन्त्री पुष्पकमल दाहाल प्रचण्ड चीन भ्रमणमा रहेकाले समिति गठन नहुने भएको छ ।

सरकारले माओवादी नेता कृष्णबहादुर महरा र उनका छोरामाथि सुन तस्करीको विषयमा अनुसन्धान गर्ने एमालेको प्रस्ताव अस्वीकार गरेको छ ।

शुक्रबार सुन तस्करीका विषयमा आयोग वा समिति गठनका विषयमा गृहमन्त्री नारायणकाजी श्रेष्ठले डाकेको छलफलमा एमाले सचेतक महेश बर्तौलाले सो प्रस्ताव राखेका थिए ।

तर गृहमन्त्री श्रेष्ठले माओवादी नेतामाथि अनुसन्धान गर्न नसकिने भन्दै सो प्रस्ताव ठाडै अस्वीकार गरेका थिए । राष्ट्रिय मान्यताप्राप्त दलहरुको बैठकमा भएको सहमतिमा आयोगलाई विदेशबाट सिग्रेट (भेप्स) र ब्रेक शुमा राखी अवैध पैठारी (तस्करी) गरिएको सुनलगायत पटकपटक तस्करी भई सुन आइरहेकोमा यसलाई नियन्त्रण गर्न अध्ययन गरी प्रतिवेदन पेस गर्ने भनिएको छ ।

भेप्स प्रकरणमा माओवादी नेता महरा र उनका छोरा जोडिएका छन् । एमाले सचेतक बर्तौलाको प्रस्तावमा २०८० साउन २ र सोभन्दा अघि वा पछि विदेशबाट इलेक्ट्रिक सिगरेट (भेप्स) र ब्रेक शुमा राखी अन्य तरिका अपनाइ विभिन्न स्थानबाट गरिएको सुनको अवैध तस्करीको प्रकृति, परिणाम, दायरा र सो कार्यमा संलग्न व्यक्तिहरुका सम्बन्धमा स्वतन्त्र एवं निष्पक्ष छानबिन र अनुसन्धान गरी कानूनबमोजिम कारबाहीका लागि सिफारिस गर्ने उल्लेख छ ।

गृहमन्त्री श्रेष्ठले अनुसन्धान सुरु गर्न अस्वीकार गरेपछि बैठक विना निष्कर्ष टुंगिएको थियो । सरकारको यो अडानपछि प्रमुख प्रतिपक्षी दल एमाले आक्रोशित बनेको छ ।

शनिबार आयोजित एक कार्यक्रममा एमाले अध्यक्ष केपी ओलीले सरकार नै सुन तस्करीमा लागेको भनेर फायर खोलेका थिए । त्यसैले अब बस्ने संसद् बैठक पनि सुन प्रकरणले अवरुद्ध हुने संकेत देखिएको छ ।

प्रचण्ड असोज १३ गते स्वदेश फर्र्किंदैछन् । त्यसयता सुनकाण्डबारे समिति गठन नहुने निश्चित देखिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

संसद्मा मनपरी, महरा र तिमिल्सिनाका मान्छेलाई ऐनविपरीत भत्ता

बलात्कार आरोपी महरालाई सप्रमाण चोख्याइयो, अब भ्रष्टाचार आरोपी बास्कोटालाई चोख्याइँदै

कृष्णबहादुर महराले चमत्कार गर्दा शंकर पोखरेललाई धक्का, बालुवाटारमा तनाव

कृष्णबहादुर महराको दैलोमा पुगिन् चिनियाँ राजदूत यान्छी

कृष्णबहादुर महरा नपुग्दै दाङमा बबन्डर, ओलीको ‘भित्रि डिजाइन’ खुलासा गर्दै भटाभट कारवाही

महिलासँग बात लाग्दा महरालाई जेल, बालिकाले आरोप लगाउँदा शेरधनलाई ओलीको रेड कार्पेट !