काठमाडौं - माओवादीले पार्टीको प्रवक्तामा पूर्वसभामुख अग्निप्रसाद सापकोटालाई तोकेको छ ।

यसअघिका प्रवक्ता कृष्णबहादुर महराको जिम्मेवारी खोसेर सापकोटालाई दिइएको हो । डेढ वर्षअघि राष्ट्रिय सम्मेलनबाट महरा उपाध्यक्षसँगै प्रवक्ताको भूमिकामा थिए ।

तर उनले पार्टीको प्रवक्ताको जिम्मेवारी राम्रोसँग निभाउन नसकेको माओवादी नेता कार्यकर्ताकै भनाइ थियो । अहिले उनी नौ केजी सुनकाण्डमा मुछिएपछि माओवादी अध्यक्षसमेत रहेका प्रधानमन्त्री पुष्पकमल दाहाल प्रचण्डले महरालाई प्रवक्ताको जिम्मेवारीबाट हटाउने निर्णय गरेका हुन् ।

चीनबाट विद्युतीय सिगरेट (भेप) मा लुकाएर ल्याएको सुनमा महराका तीन बाबुछोरा संलग्न रहेको सिआईबीले पत्ता लगाएको छ । उनीहरू अहिले अनुसन्धानको दायरामा छन् ।

माओवादी प्रवक्ता सापकोटाले सुनकाण्डमा महराको संलग्नता देखिए कारबाही हुने बताएका छन् । प्रवक्ताको जिम्मेवारी पाएपछि बुधबार पहिलोपटक आयोजना गरेको पत्रकार सम्मेलनमा उनले दोषी प्रमाणित भए पार्टीकै नेताले पनि उन्मुक्ति नपाउने उल्लेख गरेका हुन् ।

प्रवक्ता सापकोटाले सुन तस्करी प्रकरणमा राज्यको आधिकारिक निकायले अनुसन्धान गरिरहेकाले छुट्टै समिति आवश्यक नभएको दाबी गरे ।

अहिले गृहमन्त्री नारायणकाजी श्रेष्ठले महरा र उनका छोरालाई अनुसन्धानमा नतान्न प्रहरीलाई निर्देशन दिएको बुझिएको छ ।

तर एमालेले सदन अवरुद्ध गरेर सबै सुन तस्करी प्रकरणमा उच्चस्तरीय छानबिन समिति गठनको अडान राख्दै आएकाले महरामाथि बाध्य भएर छानबिन हुने र संलग्नता भेटिए कारबाहीमा पर्ने अवस्था सिर्जना हुँदै गएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

संसद्मा मनपरी, महरा र तिमिल्सिनाका मान्छेलाई ऐनविपरीत भत्ता

बलात्कार आरोपी महरालाई सप्रमाण चोख्याइयो, अब भ्रष्टाचार आरोपी बास्कोटालाई चोख्याइँदै

कृष्णबहादुर महराले चमत्कार गर्दा शंकर पोखरेललाई धक्का, बालुवाटारमा तनाव

कृष्णबहादुर महराको दैलोमा पुगिन् चिनियाँ राजदूत यान्छी

कृष्णबहादुर महरा नपुग्दै दाङमा बबन्डर, ओलीको ‘भित्रि डिजाइन’ खुलासा गर्दै भटाभट कारवाही

महिलासँग बात लाग्दा महरालाई जेल, बालिकाले आरोप लगाउँदा शेरधनलाई ओलीको रेड कार्पेट !