काठमाडौं - सोमबार रातिदेखिको अविरल वर्षापछि गएको पहिरोले सिन्धुलीका सबै टूला राजमार्ग अवरुद्ध बनेको छ ।

पहिरोका कारण धेरै व्यस्त हुने बीपी राजमार्ग, मदन भण्डारी र मध्यपहाडी लोकमार्ग अवरुद्ध भएको छ । बीपी राजमार्गअन्तर्गत सिन्धुली–बर्दिबास सडकखण्डका ठाउँठाउँमा पहिरो गएको छ ।

बीपी राजमार्गमा पहिरो जाँदा काठमाडौं आउने यात्रु मर्कामा परेका छन् । मध्यपहाडी लोकमार्गअन्तर्गत सिन्धुलीको खुर्कोटदेखि उदयपुरको घुर्मीसम्म विभिन्न स्थानमा पहिरो गएपछि लोकमार्ग अवरुद्ध भएको हो ।

जसकारण सवारीसाधन चल्न सकेका छैनन् । सिन्धुलीको कमला र मरिण नदीको बाढीले स्थानीय किसानहरुको खेतीयोग्य उर्वरा जग्गाहरुको कटान सुरु गरेको छ ।

लगातारको वर्षापछि कमला नदीमा आएको बाढीले खतराको तह पार गरेको छ । कमला नदीको बाढीले खतराको तह पार गरेकाले कमलामाई नगरपालिका र दुधौली नगरपालिकाका निपाने, हत्पते, डकाहा, हर्षाही, टाँडी, लदाभीर, दुधौली कर्थालगायतका डुबान हुने क्षेत्रमा उच्च सतर्कता अपनाउन सिन्धुली प्रशासनले आग्रह गरेको छ । सोमबार बिहानैदेखि सिन्धुलीमा भीषण वर्षा भएको थियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

मन्दिर गएका दुई महिलालाई नेकपाका वडासदस्यले गरे करणी, सिन्धुलीमा हंगामा !

सिन्धुलीमा दलित पुजारीबाट गरियो झोलुंगे पुलको शिलान्यास

सिन्धुलीको गौखर्कमा पहिलो पटक बस पुग्दा हर्षबढाइँ