अरब सागरबाट उठेको समुद्री चक्रवात बिपरजोयले पाकिस्तानमा ठूलो क्षति पुर्याउन सक्ने चेतावनी पाकिस्तानको राष्ट्रिय विपत् व्यवस्थापन प्राधिकरण (एनडीएमएले) दिएको छ ।

अन्तर्राष्ट्रिय सञ्चार माध्यमका अनुसार चक्रवात तीब्र गतिमा पाकिस्तान र भारततर्फ अघि बढिरहेको र बिहिबारसम्ममा पाकिस्तान र भारतका तटीय क्षेत्रहरुमा ठूलै वितण्डा मच्चाउन सक्ने अनुमान एनडीएमएले गरेको हो ।

पाकिस्तानको सिन्ध प्रान्तमा आपतकाल घोषणा गरिएको छ । सिन्धको तल्लो तटीय क्षेत्रबाट करीब ८० हजार मानिसलाई सुरक्षित स्थानतर्फ सार्न सेना परिचालन गरिएको छ ।

सिन्धका मूख्यमन्त्री मुराद अलि साहले तल्लो तटीय क्षेत्रमा तत्काल घर खाँली गर्न आदेश दिएको बताएका छन् । कराँचीमा पनि तटीय क्षेत्रमा घर खाँली गरेर सुरक्षित स्थानमा जान भनिएको छ । कराँचीमा बादल फाट्ने प्रकृतिको घटना हुनसक्ने चेतावनी दिइएको छ ।

बलुचिस्तानमा पनि संकटकाल लागू गरिएको छ । पाकिस्तानभर भारी वर्षाको चेतावनी पनि दिइएको छ । प्रतिघण्टा एक सय ७० किलोमिटरसम्मको गतिमा आउने अनुमान गरिएको चक्रवातका कारण समुद्रमा ४० फिट माथिसम्म लहर उठ्ने चेतावनी दिइएको छ ।

यता भारतमा पनि गुजरातलगायतका राज्यहरुमा चक्रवातबाट हुनसक्ने क्षति न्युनिकरण गर्न सेना परिचालन गरिएको छ । गुजरात, पश्चिम वंगाल, राजस्थान, गोवा र सिक्किमसम्म चक्रवातको प्रभाव पर्ने चेतावनी दिइएको छ । - एजेन्सी 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

पाकिस्तानको भवलपुरमा हिन्दुका घरहरु भत्काइयो

पाकिस्तानको सिन्धमा ३८५ बालबालिकामाथि दुर्व्यवहारका घटना दर्ता

शिख समुदायलाई मुस्लिम धर्मगुरुको धम्की, गुरुद्वाराको जग्जा कब्जा गर्ने लक्ष्य

चमन प्रान्तमा अफगानी र पाकिस्तानी सेनाका बीच भिडन्त

चमन प्रान्तमा अफगानी र पाकिस्तानी सेनाबीच भिडन्त

पाकिस्तानी राज्यातंकविरुद्ध सिन्धमा प्रदर्शन, र्‍यालीमा सहभागी नै अपहरण