आजको बिशेष
राष्ट्रपति पौडेललाई प्रयोग गरेर आफ्नो मिसन पूरा गर्न प्रचण्ड सफल, कांग्रेसको साखमा धक्का
राष्ट्रपति पौडेललाई प्रयोग गरेर आफ्नो मिसन पूरा गर्न प्रचण्ड सफल, कांग्रेसको साखमा धक्का
काठमाडौं - प्रधानमन्त्री पुष्पकमल दाहाल प्रचण्ड राष्ट्रपति रामचन्द्र पौडेललाई प्रयोग गरेर आफ्नो मिसन पूरा गर्न सफल भएका छन् ।
जेठ ४ गते प्रतिनिधिसभाको रोस्ट्रममा उभिएर प्रचण्डले सगर्व जन्मकैदको सजाय भुक्तान गरिरहेका रेशम चौधरीलाई रिहाइ गर्न सरकारले कागजपत्र तयार पारिरहेको घोषणा गरेका थिए ।
त्यसबेलै सबे जेठ १५ गते गणतन्त्र दिवसको दिन रेशमलाई आममाफी दिइँदैछ भन्ने धेरैले अनुमान गरिसकेका थिए ।
राष्ट्रपति कार्यालय शीतल निवासमा पुगेको आममाफीको पत्र राष्ट्रपति पौडेलले सुरुमा नेपालको संविधान र कानुनअनुसार गर्नु भनेर गृह मन्त्रालय पठाइदिएका थिए । प्रचलित कानुनअनुसार गर्नु भन्ने सुझाव राष्ट्रपतिको थियो ।
त्यसपछि गृहले आवश्यक बुँदा थपेर मन्त्रिपरिषद् पठायो । मन्त्रिपरिषद्ले तत्काल पारित गरेर आममाफीका लागि राष्ट्रपति कार्यालय पठायो । राष्ट्रपति पद आलंकारिक हो । राष्ट्रपतिलाई स्वविवेकमा निर्णय गर्ने अधिकार हुन्न ।
नेपाल सरकारले जे निर्णय गरेर दियो, त्यो स्वीकृत गर्ने काम राष्ट्रपतिको हुन्छ । यही कमजोरीलाई टेकेर प्रचण्ड आफ्नो मिसन पूरा गर्न सफल भएका हुन् । आममाफी भनेको सजाय माफी होइन ।
बाँकी सजाय माफी हो । त्यसैले रेशम अहिले पनि टीकापुर काण्डका दोषी नै हुन् । केपी ओली प्रधानमन्त्री भएका बेला रामहरि श्रेष्ठ हत्याका अभियुक्त बालकृष्ण ढुंगेललाई पनि यसरी नै राष्ट्रपतिबाट आममाफी दिएर छुटाइएको थियो ।
तर दुर्भाग्य उनी लामो समयसम्म यो भौतिक संसारमा रहन सकेनन् । उनी घरमै मृत अवस्थामा फेला परेका थिए । राज्यशक्तिलाई दुरुपयोग गरेको चर्चित घटना हो रेशम चौधरी र बालकृष्ण ढुंगेललाई आममाफी दिइनु ।
पहिले एमाले र अहिले माओवादी सत्तामा हुँदा राज्यसत्ताको दुरुपयोग भएको छ । दुवै घटनाको फट्के किनाराको साक्षा नेपाली कांग्रेस बनेको छ । आफ्नै पार्टीबाट राष्ट्रपति बनेका रामचन्द्र पौडेललाई प्रयोग गरेर प्रचण्डले कांग्रेसको साख गिराउँदै लगेका छन् ।
हिजो एमाले र माओवादीको सरकार हुँदा पनि रेशमलाई आममाफी दिने प्रयत्न नगरिएको होइन । केपी ओली त्यसबेला असफल भएकै हुन् । ओलीले पटकपटक रेशम चौधरीमाथि मुद्दा लगाउन जायज होइन भन्दै आएका हुन् ।
उनले बोलेका कुरा अहिले पनि मिडियामा सुरक्षित पाइन्छ । ओलीकै महान्यायाधिवक्ता रमेश बडालले रेशमलाई छुटाउन महान्यायाधिवक्ता कार्यालयबाट पत्र तयार पारेका थिए ।
अबका दिनमा प्रचण्डले राष्ट्रपतिलाई प्रयोग गरी आफ्ना धेरै नेता कार्यकर्तालाई आममाफी दिने खतरा देखिएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४