काठमाडौं- उपराष्ट्रपतिमा निर्वाचित भएसँगै रामसहायप्रसाद यादवले आइतबार सांसद र पार्टीका सम्पूर्ण जिम्मेवारीबाट राजीनामा दिएका छन् । जसपाको दलको नेता, पार्टी महासचिवसहित साधारण सदस्यबाट समेत दिएको राजीनामा अध्यक्ष उपेन्द्र यादवले स्वीकृत गरेका छन् ।

नवनिर्वाचित उपराष्ट्रपति यादवले आज पद तथा गोपनीयताको शपथ लिँदैछन् । राष्ट्रपति रामचन्द्र पौडेलसमक्ष नवनिर्वाचित यादवले  आज बिहान १० बजे राष्ट्रपति भवन शीतल निवासमा आयोजना हुने विशेष समारोहमा शपथ लिने जनाइएको छ । यादव चैत ३ मा उपराष्ट्रपति पदनमा निर्वाचित भएका थिए। निर्वाचनमा यादवले ३० हजार ३२८ मतभारप्राप्त गरेका थिए। निवर्तमान उपराष्ट्रपति नन्दबहादुर पुनको कार्यकाल यही चैत ३ मा सकिएको थियो।

रामसहाय जसपा संसदीय दलको नेतामा सर्वसम्मत चयन भएका थिए । यादवसँगै अशोक राई पनि दलको नेताका आकांक्षी थिए । तर, अब जसपाले दलको नेता कसलाई बनाउला भन्ने चासो बढेको छ । उपेन्द्र यादव अहिले सांसद छैनन् । उनी वैशाख १० गते हुने बारा २ को उपनिर्वाचनबाट चुनिएर संसद् छिर्ने दाउमा छन् । त्यसबेलासम्म उनी कसैलाई दलको नेता बनाउने पक्षमा छैनन् । तर अशोक राईलगायतका सांसदहरू भने तत्काल दलको नेता चुन्नुपर्ने पक्षमा देखिएका छन् । यो विषयले पनि केही दिनमै जसपामा रडाको मच्चिने अवस्था छ ।

जसपामा उपेन्द्र पक्षका सांसदहरू बहुमत अवस्थामा छन् । उपनिर्वाचन हुन अझै एक महिना बाँकी छ । प्रतिनिधिसभा बैठक चालू भएकाले दलको नेता, उपनेता, प्रमुख सचेतक, सचेतक चयन गर्नुपर्ने अवस्था जसपामा छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

बाबुरामका भाइको घरमा जसपाको गोप्य भेला, के पाक्दैछ खिचडी ?

बाबुरामको पार्टीले माग्यो रेशम चौधरीको रिहाइ

संविधान दिवसमा जसपाले गर्याे उल्टाे निर्णय, देश हल्लाउनसक्ने संकेत

ओलीका विषयमा जसपाका अध्यक्षले गरे गम्भीर खुलासा

जसपाको संघीय परिषद अध्यक्ष बने डा. बाबुराम भट्टराई

जसपाले उठयो गम्भीर कदम, ओली सरकारको खेल खतम !