काठमाडौं- राष्ट्रपति विद्यादेवी भण्डारी साढे सात वर्षे कार्यकाल पूरा गरेर सोमबार घर फर्कंदैछिन् । नवनिर्वाचित राष्ट्रपति रामचन्द्र पौडेलले दिउँसो १ बजे पद तथा गोपनीयताको शपथ लिएपछि भण्डारी निवर्तमान राष्ट्रपति हुनेछिन् । उनी आजै बालुवाटारस्थित जेठी छोरी उषाकिरण भण्डारीको निजी निवासमा सर्ने भएकी छन् । 

भण्डारीको बुढानिलकण्ठ चपलीस्थित घर मर्मत गर्न अझै दुई महिना लाग्ने भएकाले उनी छोरीको घरमा सर्न लागेकी हुन् । सरकारले पूर्वराष्ट्रपति तथा उपराष्ट्रपतिका लागि घरसहितको निवास सुविधा दिने भने पनि भण्डारीले नलिने घोषणा गरेकी छिन् । घर नलिने पूर्वराष्ट्रपति तथा उपराष्ट्रपतिलाई सरकारले मासिक दुई लाख भाडा उपलब्ध गराउँछ । सेवा–सुविधाबारे भने भण्डारीले औपचारिक रूपमा प्रतिक्रिया दिएकी छैनन् । 

भण्डारीको आइतबार नै कार्यकाल पूरा भएपछि उनले संसदमा प्रतिनिधित्व गर्ने दलका शीर्ष नेतासँग बिदाइ भेट गरेकी थिइन् । भेटमा प्रधानमन्त्री पुष्पकमल दाहाल प्रचण्ड, कांग्रेस सभापति शेरबहादुर देउवा, एमाले अध्यक्ष केपी ओली, लोसपा अध्यक्ष महन्थ ठाकुर र नागरिक उन्मुत्तिः पार्टीकी अध्यक्ष रञ्जिता श्रेष्ठलगायत संसदमा प्रतिनिधित्व गर्ने दलका प्रमुख नेता सहभागी थिए । एकीकृत समाजवादीका अध्यक्ष माधव नेपाल र जनमत पार्टी अध्यक्ष सिके राउत भने अनुपस्थित थिए ।

आफ्नो भाइ सरोजगोपाल उपाध्यायको निधनमा शोकमा रहेकाले माधव नेपाल शीतल निवास नगएका हुन् । बिदाइ भेटमा राष्ट्रपति भण्डारीले आफ्नो कार्यकालमा सहयोग गरेकोमा सबै शीर्ष नेतालाई धन्यवाद दिएकी थिइन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नेकपामा ओलीको खड्गो टर्दा माधव नेपाललाई आपत, एक्लो बनाइएपछि खैलाबैला! 

नेकपाको राजनीतिमा राष्ट्रपतिको हस्तक्षेप, विद्यासँग वामदेवको शीतलनिवासमा गोप्य भेट

चिनियाँ रक्षामन्त्रीसँगको भेटपछि राष्ट्र्पति भण्डारीबाट आयो यस्तो अभिव्यक्ति

प्रचण्डलाई भेटेपछि विद्या भण्डारी भेट्न शितलनिवास पुगे ईश्वर पोखरेल, के पाक्दैछ खिचडी ?

विद्या भण्डारीका घटिया हर्कतले गणतन्त्रकै बदनाम भएको कांग्रेसको ठहर

विद्यादेवी भण्डारीको मुखबाट ओलीको यस्तो कुरा सुनेपछि प्रचण्ड चकित