काठमाडौं- अपराधजन्य घटनाका अभियुक्तलाई राजनीतिक बन्दी बनाउँदै आममाफी दिने प्रचलन सुरु भएको छ । यसको सु्रुवात राष्ट्रपति विद्यादेवी भण्डारीले सुरु गरेकी हुन् । हुन त सरकारले गरेको 

सिफारिसका आधारमा राष्ट्रपतिले निर्णय गर्ने हुन् । तर पनि अदालतमा मुद्दा विचाराधीन रहेकै बेला आममाफी दिँदा उनका कानुनी सल्लाहकार के हेरेर बसेका छन् भन्ने जनताले प्रश्न गर्न थालेका छन् ।

२०६६ सालमा ट्याक्टरमा आगजनी गरेको घटनामा अदालतले दोषी ठहर गरेर ६ महिना कैद सजाय सुनाइएका राष्ट्रिय जनमुक्ति पार्टीका सांसद अरुण चौधरीलाई राष्ट्रपति भण्डारीले राष्ट्रिय प्रजातन्त्र दिवसको अवसरमा आममाफी दिइन् । उनी आइतबार बिहान रिहा भएका छन् । कैद भुक्तान नगरेको भन्दै चौधरीलाई माघ १९ गते प्रहरीले पक्राउ गरेको थियो। जिल्ला कारागार कैलालीमा रहेका उनी राष्ट्रपतिबाट सजाय माफी पाएसँगै आज रिहा भएका हुन् ।

नागरिक उन्मुक्तिको अध्यक्ष रञ्जिता श्रेष्ठले कारागारमा अबीर र खादा लगाइदिएर उनको स्वागत गरेकी थिइन् । चौधरी कैलाली क्षेत्र नम्बर २ बाट निर्वाचित प्रतिनिधिसभा सांसद हुन् । चौधरी रिहा भएसँगै अब सशस्त्र प्रहरी हत्याका अभियुक्त अर्का सांसद लक्ष्मी महतो कोइरी पनि यसरी नै सजाय माफी पाएर चोखिने आशंका बढेको छ ।

यति मात्र होइन, अदालतमा मुद्दा विचाराधीन रहेकै अवस्थामा सरकारको सिफारिसमा राष्ट्रपतिले स्थानीय तहको निर्वाचनमा उम्मेदवार बनेका र समयमै खर्च विवरण सार्वजनिक नगर्ने जनप्रतिनिधिको जरिवाना मिनाहा गरिएको छ । जसबाट राज्यलाई ६ अर्बभन्दा बढी घाटा लागेको छ ।

आफूलाई जनताको सेवक ठान्ने जनप्रतिनिधि वा उम्मेदवारले निर्वाचन आयोगको कानुनअनुसार एक महिनाभित्रै खर्च विवरण सार्वजनिक गर्नसक्नु पथ्र्यो । तर अधिकांशले गरेनन् । राष्ट्रपतिको यो कदमको पनि विरोध भएको छ । अहिले यसरी नै अपराधी र राज्यको कानुन नमान्ने प्रवृत्ति बढ्दै गएमा किन कारागार र न्यायालय चाहियो भन्ने बहस सुरु भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

 राष्ट्रपति भण्डारीले ट्विटरबाट दिइन् यस्तो सन्देस

पूर्व एमाले निकट पत्रकारसंग रास्ट्रपतिको भलाकुसारी 

दुई सल्लाहकारले छोडे राष्ट्रपति भण्डारीको साथ, के हो कारण?

मुखर्जीको निधनमा राष्ट्रपति भण्डारीले गरिन् यस्तो शोक व्यक्त

राष्ट्रपतिद्वारा २८९ कैदीबन्दीको कैद माफीमिनाहा

राष्ट्रपति र प्रधानमन्त्रीद्वारा शोक प्रकट