काठमाडौं– राष्ट्रपति विद्यादेवी भण्डारीका दुईजना सल्लाहकार माधव शर्मा र नेत्रबहादुर थापाले भदौ १ गतेदेखि शीतल निवासबाट बाहिरिएको पत्र भोलि आइतबार बुझ्दैछन् । पहिले पूर्ण कार्यकाल पूरा गरेका सल्लाहकारहरूलाई पछिल्लो पटक दुईवर्षे करार सेवामा राखिएको थियो । भित्री कारण जे(जे भए तापनि साउन मसान्तमा उनीहरूको करार सकिनुअगावै शीतल निवासले म्याद  थप्न अनिच्छा देखाएपछि सल्लाहकारहरू आफ्नो बाटो लागेको स्रोतको दाबी छ ।

शर्मा र थापा राष्ट्रपति भण्डारीको अघिल्लो कार्यकालमा पनि पूरै अवधि सल्लाहकार थिए । शर्मा सञ्चार र थापा सुरक्षा सल्लाहकारको रूपमा शीतल निवास पुगेका थिए । नेत्र थापा राप्रपा अध्यक्ष कमल थापाका साक्खे दाइ हुन् तर सेनामा भर्ती हुँदा उमेर सच्याउने प्रचलनको कारण सर्टिफिकेटअनुसार उनलाई भाइ मान्नुपर्ने अवस्था छ ।

यसअघि सभामुखमा अग्नि सापकोटाको चयनप्रति असन्तुष्टि व्यक्त गर्दै राजनीतिक सल्लाहकार सुशील प्याकुरेलले राजीनामा दिएका थिए । अब शीतल निवासमा लालबाबु यादव र लक्ष्मी कार्की दुईजना मात्र विज्ञ सल्लाहकार बाँकी रहेका छन् । उनीहरूलाई पनि करारमा राखिएको हो । यसबीच शीतल निवासमा कार्यरत अन्य केही कर्मचारी पनि छँटनीमा पर्न लागेका छन् । जनआस्था साप्ताहिक

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

 राष्ट्रपति भण्डारीले ट्विटरबाट दिइन् यस्तो सन्देस

पूर्व एमाले निकट पत्रकारसंग रास्ट्रपतिको भलाकुसारी 

मुखर्जीको निधनमा राष्ट्रपति भण्डारीले गरिन् यस्तो शोक व्यक्त

राष्ट्रपतिद्वारा २८९ कैदीबन्दीको कैद माफीमिनाहा

राष्ट्रपति र प्रधानमन्त्रीद्वारा शोक प्रकट

राष्ट्रपति भण्डारीले ट्रम्पलाई दिइन् यस्तो सन्देश